「鬼馬HALLOWEEN」 化妝小派對

Posted on October 26, 2012 By       3,005

【香港消息】「美人魚、米老鼠、老虎仔…..」均是小朋友在故事書或卡通片常見及喜愛的角色,相信小朋友在遊戲時亦常代入他們鍾愛之卡通角色,自我陶醉一番。HALLOWEEN便是一個好機會讓父母悉心為子女打扮成其喜歡的卡通人物, 逗趣之餘亦為孩童成長刻下開心印記。BK milk 為家長請來了專業化妝師講解Halloween化妝訣竅,並為小朋友示範化上米老鼠、老虎仔之妝容及繪上靚靚patterns, 準備好幫囝女變身未?

 

DREAM DAZZLERS (SHIMMERING SEAS MERMAID) HK$149.9 / MODEL: PEONY CHAN

記:今期HALLOWEEN 化妝潮流特色是甚麼?

KAMMY:其實HALLOWEEN 無話有好特定既潮流, 不過近兩年HALLOWEEN化妝愈來愈大眾化,平時少接觸化妝既人都會係呢個節日留意化妝資訊。我發覺現時HALLOWEEN化妝愈來愈複雜, 多人玩一些高難道化妝, 例如:簡單特技化妝 (即疤痕妝 / 爛面妝)。

PLUSH COSTUME (LITTLE STRIPE KITTEN) HK$199.9 / MODEL: MINATO AYANE

 

記:入門媽咪係屋企幫仔女化妝有甚麼需要注意,事前需準備甚麼?

KAMMY:事先要選定想要化妝之人物, 留意化妝需要之物品、顏色等。以及,計劃好妝容配合怎麼樣的衫。另外, 化妝工具亦需預備妥當, 包括: 於面部上色用既油彩, 水彩, 化妝掃, 粉撲等。如備有定妝碎粉則更佳, 因可以令到妝容持久一點。

H&M BALLET DRESS HK$59.9 / H&M PINK HOOD HK$149 / MODEL: 桐桐

 

記:唔想咁易「甩妝」, 怕成日補妝好煩, 可以點算?

KAMMY:油彩基本上用普通或透明定妝碎粉已可定妝。如果會做大量運動或者小朋友會捽面, 市面上都有定妝噴霧買, 但個人覺得此類產品對小朋友幼嫩皮膚含有一定刺激性, 家長宜小心選購及試用。

記:除了油彩是否有其他選擇?

KAMMY:有啊, 可在臉上「上色」的用品除油彩外, 還有水彩。水彩其中一個特性就係乾左就不褪色, 而且用水便可沖洗, 個人十分建議用在小朋友臉上, 不用怕他們因常常掂到塊面, 而弄花妝容。不過, 流汗就要小心, 要記得印乾, 因抹乾會將水彩抹掉。

記:畫PATTERNS係塊面, 點至可以更加靚?

KAMMY:如果唔識徒手畫, 可以試下使用圖案模, 貼住塊面再印上顏色就可輕鬆快速完成, 一般圖案模係大型書局都有得買。

記:化動物要化得神似, 有咩竅門?

KAMMY:要注意每種動物外形特質, 如貓重點係眼睛同嘴, 老虎重點在於身上黑紋, 米奇老鼠的鼻及鬚最突出。化動物妝時基本上畫出其中特點便已經維肖維妙。

記:如小朋友皮膚敏感, 有無好既化妝用品推介?

KAMMY:可以先用防敏感妝前液同粉底先打左個BASE, 然後才上色便可減低敏感度。其實,最好事前花少少時間, 過了一段時間(約12小時)後都沒有過敏反應則屬安全。

 

花絮片段

 

記者: K-jai

受訪者: KAMMY  LO(專業化妝師)

 

MODEL:   桐桐 (左上) / MINATO AYANE (右上) / PEONY CHAN (左下)

DRESSING:  H&M / TOYSRUS

MAKE-UP ARTIST:  KAMMY LO (右下)

PHOTOGRAPHER:  Liwowo

COSMETIC PRODUCTS:  Helena Beauty Centre

SPECIAL THANKS:  饅頭家族

 

K仔
熱血編輯部成員!