第一次玩娃娃

Posted on January 22, 2014 By       1,723

上次去做檢查時,小小豬喺玩情境玩具方面表現得非常弱,尤其係同公仔玩嘅時候,佢真係完全唔識玩,唔識得同公仔著衫之餘,又唔識同公仔蓋被瞓覺。其實我哋都無俾過依啲玩具小小豬玩,佢唔識玩都情有可原呀!

 

所以今日下午我哋就去咗反斗城,買個玩具娃娃返嚟邊教邊玩,令小小豬做多啲情境方面嘅事情~

 

今晚喺臨瞓前同小小豬玩,依個小小豬好似好鐘意,一拎上手就錫錫佢,仲幫個公仔改左個名叫『娃娃』呀~

 

教咗佢玩一次之後,大致都識得玩,先俾奶咀『娃娃』食呀~同『娃娃』蓋披之後氹瞓覺呀~ 眼都唔轉陪『娃娃』瞓覺呀~

 

 

今日睇小小豬同『娃娃』玩又真係唔覺佢有問題,都唔似醫生講到咁大問題,可能之前無玩過,加上嗰日又係生保地方,所以小小豬就表現差啲啦!

 

雖然係無問題,不過我哋都會同『娃娃』一齊玩多啲,等小小豬訓練多啲都係好嘛!但從今日第一次玩,最驚喜就係……估唔到小小豬對住『娃娃』真係可以咁溫柔,完全好似好鐘意佢咁,我哋見到都覺得好好笑呀!

KinseyMaMa
發掘新點子,製造優質親子時間。