方便出街使用的HAPPY POTTY

Posted on December 18, 2013 By       2,469

一次外出經驗,令KinseyMaMa的起心肝,買了小朋友用的廁板套裝… 

今日收到代購0既外國產品,就係依一SET三件0既POTTY用具啦~

先嚟一個腳踏,不過其實屋企同類型都已經有,雖然係以CARS做主題,即刻靚左好多,不過我當然主要唔係為咗依件嚟買依個套裝啦~

第二件就係依個兒童廁板~

其實之前小小豬都係用POTTY去便便,不過原來學校佢地都係用小朋友0既廁所,形式上係同POTTY有少少唔同,為左幫小小豬可以習慣性,等佢返到學校時都可以方便啲,所以就想買個小廁板加上去啦~

哈哈哈…小小豬坐上去又幾啱位啊(當然係因為做緊示範,所以著住褲仔坐,咁就唔洗怕影到重要部位啦….呵呵呵)~

令我 的起心肝去訂依一SET用品,就係因為依一個,外出使用0既廁板~

雖然小小豬都比較少係街上去便便,不過我好記得有一次當我地行緊街街時,小小豬突然話要去便便,場內的洗手間又冇兒童廁格,啲廁板又真係非常”乾淨”,但小朋友又唔可以叫佢忍,所以我就”的”起左小小豬,等佢可以去便便。小小豬當然唔肯咁去便便啦,所以嗰次真係攪左好耐,小小豬又好扭計地先有少少便便。

自從嗰次經驗之後,我就諗如果有一塊小朋友外出用0既廁板咁就好,即可以乾淨啲,小小豬又可以坐得舒舒服服咁便便,終於我就買到啦~

小小豬又嚟示範先~

睇佢個衰衰樣,似係度投訴要佢做咁耐B模哦…哈哈哈~

雖然依家外出又要帶多樣嘢,不過依塊板都唔太重,又摺得細啲,所以都算方便。同埋都只係有需要嗰日(即小小豬出街街前都未去便便),或者去遠啲0既地方先帶,所以我又會覺得OK呀!

KinseyMaMa
發掘新點子,製造優質親子時間。