給有情緒病的jm:不要把事情 / 感覺放大

Posted on December 11, 2013 By       2,929

老公今日去左見醫院精神科護士,佢同老公傾下計,心理輔導下,老公即時講返俾我聽,我覺得阿 sir (男護士) 所講好有道理,所以post 上來同大家分享一下。

 

阿 sir 將情緒病用螞蟻來比喻,他說自己喜愛行山,有一次,六歲小女兒見到山上螞蟻,覺得好可愛,跟住好奇拿起放大鏡看螞蟻,一看之下就被螞蟻真身嚇到,小女兒大呼 『咁多毛,又有鉗,好核突呀』

 

阿 sir 話其實一件事,生活壓力又好,經濟又好,都唔好將件事放大,就如抑鬱….係源自外界或者內在因素也好,因為恐懼,才有不安感出來,如果唔將件事 / 感覺放大,即係唔好將恐懼感放大,抑鬱,並不是難醫的病

 

人們常說什麼正能量、負能量,阿 sir 話唔buy 呢套,根本正、負能量都係人空想出來的;又講皮質醇係咪可以靠食物或藥物去令大腦釋放令我地減壓,呢樣佢話不敢笱同,因為皮質醇釋唔釋放到係好依賴我地嘅思想

 

人的腦部好神奇,我地點解會有痛嘅感覺,痛,係一種記憶,亦係一種大腦俾你嘅訊息,例如當你不自覺側起頭做事時,你會有頸痛,這個時候就係一種訊息,通知你要回復正確姿勢,但呢種痛又好快消失,有好多人有時會感到心翳、心痛、胃痛得情況,如屬非病情的痛,大多都是心理作祟,首要是先控制呼吸,用慢慢呼吸來舒緩心跳,之後痛楚也慢慢消失。

 

情緒病不是一時三刻就好,需要時也要跟藥物一齊給予治療,但原來我地可以自療的,就是治療過程中用呼吸法去配合,日子久了,身體適應下來,便對病情有好轉。

 

在阿 sir 所認識情緒病角度看,即使係身體上內在問題也好,其實好睇自己本人點去面對,如果常常帶著放大鏡生活,甚麼也是灰的,我們要學習放低放大鏡,以平常心、輕鬆心情去面對,知易行難都唔係好buy,因為每個人都要面對現實問題,問題已經放在自己眼前,既然必需要解決,那為甚麼不用輕鬆心情去解決。

 

我自己就做唔到,但我媽媽佢係『天跌落黎當被冚』嘅人,小時候我家很窮,媽媽試過今日買完餸明天便沒錢開飯的生活,但她仍開心面對,誰知明天又發生咗事令我家裡又有少少錢回來,媽媽總說『困難總會過去,只係自己唔俾困難過去,死命拉住』。

 

編:多謝網友分享這經驗,希望對大家有幫助。