小訓練 -夾波子練手眼協調

Posted on December 4, 2013 By       2,538

今日我地教小小豬玩左個新遊戲,主要係學習手眼協調同訓練小手指呀~

依個遊戲睇落都好似幾簡單,只係用小工具夾起啲波波,之後夾住放入小樽內~


主要就係利用依個小工具,要手指係用小小力HOLD一陣夾住小波,就係咁可以訓練手指仔力度,又訓練眼力啦~

雖然小小豬的手眼協調都算OK,不過佢用夾仔個力就差左少少,要教左好幾次先可以好順心咁夾到波波。
不過當夾到一次之後,就好似啲信心返晒嚟,好快手就可以夾到啦~

雖然小小豬都算玩得幾好,不過後段可能佢手指仔開始冇力,所以夾波波個成功率同時間都低左。不過又真係唔怪得佢,係緊張心情再加HOLD住一陣都要用啲力嘛,所以都幾難呀!

不過唔緊要,玩多啲…熟練啲…咁就可以百夾百中啦…哈哈哈!

 

KinseyMaMa
發掘新點子,製造優質親子時間。