李嘉欣:「湊仔辛苦過拍戲」

Posted on April 29, 2013 By       1,316

【香港消息】李嘉欣(Michele)自2011年誕下愛兒JaydenMax(小JM),便開始淡出娱樂圈,生活以小JM為中心,偶爾才於幕前亮相。有傳媒報導指李嘉欣自當了媽媽,便鑽研兒童心理學書籍,更學以致用,將知識套用在小JM身上。日前Michele以大使身份出席活動,大談「湊仔經」,呻湊仔辛苦過「通宵」拍戲!

她指出不介意與囝囝Jayden Max(小JM)穿母子裝,與老公穿著家庭裝則免,「有次喺屋企,我著格仔家居服,囝囝件白衫領有格仔,我著係cute,但如果老公都係咁,就會嚇親人。」
每個孩子成長都會進入反叛階段,小JM亦不例外竟將化妝品當成玩具,令Michele甚感頭痛,她言:「佢見我着長裙會匿喺裏面,當毛巾咁Fing,又成日篤我啲化妝品,依家啲化妝品有晒佢啲腳印同手印。」若小JM犯錯,Michele會打手掌小懲大戒,她直言:「打佢我都會心痛,但都要交戲扮惡,小朋友知咩位食到我。爹哋就一係唔惡,一惡佢驚。」
Michele坦言見仔仔跌倒,差一點嚇到心臟病發,慨嘆湊仔唔容易,她言:「囝囝尋日喺屋企跌倒,自己都呆一呆,真係搞到我心臟病,嚇死,點知囝囝自己幾秒後就狂叫、笑同再跑。以前以為拍戲最辛苦係通頂,而家终於搵到比拍戲更辛苦既事!唔明其他人點解可以同一時間照顧幾個小朋友。」

 

綜合報導:東方日報、蘋果日報及微博

K仔
熱血編輯部成員!