見證浩然B仔“chok”住瞓

Posted on April 19, 2013 By       931

【香港消息】早在四月頭,黃浩然再度添丁,B仔英文名Ransley,現時只有半個月大。為感謝粉絲與朋友的祝福,他昨晚識趣地在徵博甫上B仔大頭照,B仔熟睡時表情豐富,非常趣緻可愛,有網友指B仔似媽咪,仲話Ransley對眼應該係好大。

 

黃二公子似乎好“chok”得,有當藝人的潛質

浩然貼文:「謝謝各位對我家連日的祝福,未能一一答謝,請見諒!現代二公子多謝各位,二公子叫我同大家講,佢會快高長大,健健康康,聰明伶俐,聽教聽話,孝順父母!佢話請大家見證喎!」

 

 

近日接受傳媒訪問,浩然稱會與太太共同分擔「湊仔任務」,他說:「大仔出世時我好忙冇時間湊,依家要重新掌握湊初生嬰兒。太太餵人奶,好忙,我就負責照顧大仔,會兩個月之後先開工,多啲時間陪屋企人。」浩然亦十分細心處理子女間的相處,為了安撫大仔,在B仔出世前已買定一份禮物送給哥哥。

 

 
早前他亦在微博甫上齊齊整整「全家幅」,浩然晒幸福之餘,亦不忙搲銀,果然不失米飯班主本色,「各廣告客戶也多多關照或多點贊助,因在下家又多個人開飯!哈哈!」當然,感謝太太捱刀生仔才是重點吧!

 

綜合報導:東方日報、蘋果日報、微博

K仔
熱血編輯部成員!