【新年親子遊】戊戌狗狗賀新春。MegaBox X《PAW Patrol》

Posted on January 22, 2018 By       1,018

2297_1516125211ZxUf

隨著2017年嘅完結,意味著雞年亦好快都會過去, 隨2018而來嘅就將會係戊戌狗年嘅來臨。

為迎接戊戌狗年嘅來臨,九龍灣MegaBox同風靡全港嘅超人氣卡通片《PAW Patrol》來個CrossOver,更以「喜氣洋洋慶新春」為主題做佈置添架! 而喺商場L5中庭亦設置咗全港首個《PAW Patrol 汪汪隊立大功》新春主題大型賀年裝置添,啱晒一家大細去打卡影靚相賀新春!當中5位《PAW Patrol》主角更加齊齊首次以賀年新裝同大家見面送上新年祝福, 每一位主角嘅造型都甚為吸引,真係會令人忍唔住要影多幾張靚相架!   而講到最矚目嘅可以話係位於中央逾9呎高穿上唐裝飾嘅Chase! 企喺Chase旁邊影相打卡都不禁令人興奮起來呀,你睇小JM嘅表情就知道啦!

喺Chase身後邊嘅位置設有一部以《PAW Patrol》作為主題嘅賀年照相館, 可以俾我地同摯愛一齊製作一張獨一無二嘅《PAW Patrol》電子賀卡添架! 整完之後仲可以Email或掃QR Code來儲存張相,要同朋友拜年送上祝福都話咁易。

除左Chase之外又點少得其他主角呢, 不如一齊睇下其他主角們嘅靚靚打扮啦!   Marshell同Chase一樣都係以傳統唐裝示人, 而Marshell更著上紅噹噹既唐裝,更具節日感覺。 小JM見到Marshell咁有型醒神都忍唔住要來一個愛的抱抱。

Rubble更首度以「財神」碌示人,旁邊仲帶著一架用來鏟金幣嘅車, 車上亦寫有『富貴吉祥』嘅賀詞。 小JM亦急不及待快步上車影張靚相! 貪玩嘅小JM仲去摸Rubble嘅鬚鬚添。

Skye亦以傳統造型亮相,頭頂仲紮著兩個髮髻,造型十分可愛, 而Skye旁邊亦有一架『旺到飛起』嘅粉紅直昇機, 呢架亦都係小JM最愛嘅,全程不停都係圍繞著呢架直昇機。

而Everest呢,就帶著一個大大嘅花開富貴造型花籃現身, Everest頭上仲戴咗一朵好靚嘅頭花添呀!   你都快啲同摯愛一齊來影返張靚相留念啦!唔單止有打卡位影相位,場內更設有PAW Patrol 新年期間限定店添! 除咗限定店外,場內亦設有PAW Patrol見面會 、PAW Patrol賀年揮春換領及MegaBox賀年即抽即獎添架,可以同朋友一齊去碰下運氣! 而場內更設有各種不同嘅新春精彩活動添,要密切留意喔!

PAW Patrol 新年期間限定店

多款限量版PAW Patrol產品及PAW Patrol賀年限定精品發售,部份更有獨家優惠!   於玩具反斗城及Mega Box Paw Patrol新年期間限定店購物消費獎賞優惠 •   2月12日至3月4日,任何消費滿HK$68, 即可以優惠價HK$38換購PAW Patrol新春造型公仔一隻(原價HK$89.9) •  1月17日至2月5日,購買PAW Patrol產品滿HK$350, 即可免費獲贈PAW Patrol限量利是封一套(一套六個) •   2月6日至3月4日,購買任何PAW Patrol產品, 即可免費獲贈PAW Patrol限量利是封一套(一套六個)   日期:1月17日至3月4日 時間:星期一至五 12:00nn – 9:00pm 星期六、日及公眾假期    11:00am – 10:00pm 地點:MegaBox L5

新春PAW Patrol見面會 

於任何商戶即日消費滿HK$100*或以上或於Mega Ice即日消費滿HK$50*或以上, 並出示已讚好之MegaBox Facebook專頁, 即有機會與PAW Patrol主角Chase及Marshall拍照留念!   日期:1月20日、27日及2月3日、10日^(星期六)及18日 時間:3:00pm、3:45pm、4:30pm(每節約20分鐘) 地點:L9   * 必須出示單一即日消費之商戶機印收據及銀聯 / 易辦事 / 信用卡簽賬存根(八達通及現金付款恕不接受) ^是日活動不設 3:00pm場次 – 每節名額有限,額滿即止 – 受條款及細則約束,詳情請向客戶服務中心查詢   PAW Patrol賀年揮春換領  於推廣期內,顧客即日消費滿HK$800*或以上或以Mega Club 16分, 即可換領PAW Patrol賀年揮春乙套(1套6款) ,與PAW Patrol共慶新春!   換領詳情: 日期:1月17日至換完即止 時間:10:00am – 10:30pm 地點:G及L9顧客服務中心 (禮品數量有限,換完即止)   * 必須出示單一即日消費之商戶機印收據及銀聯 / 易辦事 / 信用卡簽賬存根 (八達通及現金付款恕不接受)

MegaBox賀年即抽即獎

消費滿 HK$200*,可參加抽獎1次,消費滿HK$400*,可參加抽獎2次! 每套收據最多可參加抽獎2次。豐富獎品總值逾HK$100,000!   抽獎券換領詳情 日期:2月1日至3月11日 時間:10:00am – 10:30pm 地點:G (ALAND對出)   * 必須出示單一即日消費之商戶機印收據及銀聯 / 易辦事 / 信用卡簽賬存根(八達通及現金付款恕不接受) – 每套收據不可同時換領Mega Club積分,及不可參加MegaBox其他推廣活動

如有任何查詢/合作,歡迎聯絡我同小JM 參與產品試用或者各樣活動
媽咪既Email係: sleepyceci@hotmail.com
小JM既Facebook Page: 傑。斯與晴(Jolie Babe。小JM の 成長印記)

 

傑。斯與晴
80後情人節媽媽與元宵節寶寶。前Playgroup導師、現職Marketing Firm既新手在職媽媽,喜歡細數生活中與小JM既點滴動人時光,紀錄及分享育兒既小心得、幼兒食譜分享、親子旅行及購物分享。