DREAM ROOM~大自然設計的幼兒遊樂中心

Posted on January 18, 2018 By       3,169

IMG_5706

嶠媽年尾放左幾日假,新嘅一年,又同芊嶠和劻霖搵放電好去處,今次帶左佢地去位於觀塘柏秀中心嘅 DREAM ROOM 玩,嶠媽貪佢夠近,就係 APM 附近,地鐵站行去都係十分鐘左右!

IMG_5755

場內設有四個區域,《海陸遊戲區》、《幼兒小木屋》、《露營體驗區》及《高山車駅區》。

IMG_5769

入場前,請把鞋脫掉,再放係鞋櫃上,咁大嘅一個鞋櫃,一睇就知可以放好多對鞋啦!

IMG_5770

如果帶左一件二件行李嘅爸媽唔洗擔心,都有 Locker 可以租借架,$20 租金 + $80 按金,想全程投入同小朋友一齊玩,又冇人幫你睇住財物,比 $20 都抵呀!

IMG_5720

《海陸遊戲區》當然唔小得長滑梯啦,不過家長們一定要留意,最好陪小朋友先玩一次,確定佢地ok先好再比佢地自己滑,因為滑梯嘅衝力都幾勁,而且滑梯底唔係直落波波池,係木嘅平地先,之後先再落波波池,小朋友唔知嘅話,好大機會會落到最後個陣撞親,一定要小心小心小心!

IMG_5647

其中一個特別之處就莫過於係哩個「氹氹轉」啦!{氹氹轉,菊花園,炒米餅,糯米糰}唔唱返首歌都唔得!就算係出面公園,都好難搵到個氹氹轉玩,來到哩到,玩返夠本先!連劻霖咁細個都可以坐上去玩,真心正!如果嶠媽都可以上去玩就好,諗下好啦!

IMG_5750

場內有幾支波波氣槍,拎住波波池嘅波波,放落中間個隆,就可以禁制發射,真係男女老少都鐘意玩槍!芊嶠就 enjoy 禁制個一下,個波飛左去邊都冇所謂啦!

IMG_5710

而波波池周邊都係由深淺綠色嘅軟墊圍著,細小嘅寶寶就可以係軟墊上爬下爬下,嶠媽最欣賞係,佢地係大笨象個底邊到,都貼左防撞膠,真係好貼心,小寶寶都唔怕會撞親啦!

IMG_5779

又係時候講下個波波池!波波池嘅內都係藍、綠、白色嘅波波,顏色唔會好鮮豔,望落都好舒服!而且波波池唔係好深,劻霖就算坐落地,都唔會怕比波波圍實左,很好!

IMG_5767

《幼兒小木屋》哩個小木屋,特適合未識行嘅小寶寶,周邊都係用黃色系嘅軟墊圍著,比到好好嘅安全感比小寶寶!

IMG_5660

小木屋內仲有好多木製玩具,由最普通易玩,到益智嘅都有,真係0歲到兩歲都啱玩!

IMG_5690

《露營體驗區》有一個大木架,木架嘅每一格都有木製玩具放係到,你鐘意拎咩來玩都可以!

IMG_5753

哩到應該係女孩子嘅天地,有得扮媽媽,煮飯仔,切野,野餐,咩都有,買完野扮收銀員收錢亦可以,收銀機入面真係有錢配埋架,好認真呀下!

IMG_5751

隔離過少少,就有啲益智少少嘅玩具,要挑戰小朋友嘅耐性,同埋考驗佢地嘅創造力,真係要坐定定係到玩,都可以玩到一段長時間!

IMG_5681

講得露營體驗區,點少得帳篷?小朋友走左入去帳篷,都真係好有露營 feel,芊嶠仲叫我唔好煩佢,佢話要訓教!

IMG_5758

《高山車駅區》哩到就真係男孩子天地啦!當然女孩子都可以鐘意車車嘅,貪玩嘅芊嶠又點會放過呢?好啦好啦!未識揸車,學泊車先啦!

IMG_5677

努力砌火車中⋯咦!隔離泊左架音樂車喎!架車好正架,一路推,個琴會一路彈架,芊嶠都對哩架車依依不捨!

KNJC8727

育嬰室真係好重要,所以場內都設有,放便媽媽們幫寶寶換片,育嬰室內亦有暖奶器和熱水煲,好貼心喔!餵母乳嘅媽媽都唔洗擔心,育嬰室內有間房,間左兩小格,每格都放左一張凳,想餵奶嘅媽媽就可以先關左,再拉返塊簾,就可以餵小寶寶啦!

IMG_5781

附上價目表一張,大家可以參考時間同埋價錢,記住記住要預約喔!

=============================

DREAM ROOM

地址:觀塘巧明街115號柏秀中心10樓

電話:5540 8765

芊嶠與細佬·雞蛋仔
我育有一仔一女,芊嶠和劻霖,芊嶠出世後,就成為左全職媽媽,在陀劻霖時更在Facebook開了專頁,開始寫blog,其後都有在其他平台分享,目的是想和大家分享兩姊弟成長趣事,與大家分享親子好去處!