窮媽之苦:生仔係短痛,餵奶先係長痛…

Posted on January 23, 2018 By       3,187

photo 2

由懷孕開始,醫生就教育:「母乳係BB最好嘅食物」,相信大部分媽媽都認同。除咗容易吸收,食「媽媽奶」嘅BB相對少腸胃問題,又得到從母體而來嘅抗體保護初生BB無咁易病,令BB食得飽、健健康康,仲可以增強免疫力。

因為母乳中有好多重要成分,包括:乳糖、脂肪、蛋白質、HMO,BB嘅免疫系統約70%存在喺腸道之中,HMO可以支持同幫助腸道益生菌增長,促進BB腸道健康、減少腸道感染嘅機會。

photo 1

但係做一個「人奶媽」實在好!不!容!易!我常說,生仔係短痛,餵奶先係長痛呢~~~ 由陀住言妹妹就決心要做個人奶媽,可惜卻「窮」得很… 不斷飲湯水、代茶、按摩,但言妹妹都係食唔飽(可能佢又大食啦…),初出世時因為言妹妹體重跌出警戒線,所以都有跟姑娘建議加配方奶粉。

photo 3

自己為咗餵奶,真係可以不顧一切!會因為自己唔夠奶,而情緒低落兼擔心、亦試過出Trip做野,都定時定候keep住泵奶,行李有一半位置係奶泵、冰袋、冰種、熱水煲!不過,最終成功將冰奶帶番香港真係超滿足!

堅持餵到8個月,由於出Trip開始多,工作時間影響原先嘅泵奶時間,更試過幾次塞到發燒,終於決定停餵了。(然後終於可以放肆地飲酒飲咖啡食盡一切毒物) 正式告別餵母乳嘅生涯,雖然有時會諗自己係咪可以再為言妹妹付出多啲,不過換來更多時間陪佢玩,就覺得對雙方都係另一種嘅滿足!

photo 4

而言妹妹停左母乳之後,真係病多左……礙於自己奶「窮」同要返工,唯有為言妹妹搵隻貼近母乳嘅奶粉。近排留意到,雅培經過15年科研之後,帶來全球第一個HMO配方奶粉,配方奶粉從此不一樣! 科研實證,雅培HMO激發孩子自生免疫力!不妨一試哦!

photo 5

圖左:BB病緊時的媽媽奶;圖右:平時的媽媽奶

 

作為Working Mum,人奶路真係特別難行……特別好佩服身邊可以餵到兩三歲嘅媽媽!事實上,「神奇媽媽奶」嘅抗體真係好Amazing,當言妹妹有小小病,媽媽奶嘅成分會自動調節,就咁用肉眼望,都見到有分別!

Image 2018-01-20

雪梨媽媽
全職工作,偶爾要出差,大學主修傳理,畢業後跑到慈善機構工作。作為雙職媽媽生活工作兩忙,但發現原來離不開文字,再忙都想記下孩子的成長點滴。自籌備婚禮開始寫Blog,內容由結婚到新婚生活、陀B、湊B、帶B旅行、育兒心得等。