【收到面試結果喇】報5間5間都收!細B的長期訓培是如何鍊成的……

Posted on December 8, 2017 By       17,916

INTERVIEW fb

啱啱過左嗰幾個月,Dir媽可以話係超級忙碌,工作上好忙,剛巧亦是大Dir報報、面試n班的時間,不過,由於大dir 9月份出世,屬”細b”, 所以能報既學校不多(上網一search都搵到),不過到最後都有幾個offers可以揀,真係好感恩,我報左5間、5間都收哂。同時我都想講,其實interview並沒有傳聞中咁得人驚,起碼我其實真係無訓練過大dir任何技能,最後都成功in到,我覺得其實考既野十分基本,但有一d野我覺得如果你bb又係細b,而你又同dir媽一樣想佢返下n班既可以參考一下:

1. 同小朋友打招呼:由大dir好細個我地都已經會教佢打招呼,因為dir媽覺得這是基本禮貌,而持續又持續say hello同say byebye好似真係有d用,佢知要走的時候會主動byebye,我唔知咁係咪一定有分加但起碼有禮貌係基本

2. 家長多同小朋友玩玩具: 雙職父母每日都好忙,返到屋企都成7點幾8點,沖完涼已經訓覺,邊有時間玩呢?

有的,睡前15至20分鐘都可以玩,同埋weekend係屋企又一齊玩,你同佢一齊玩先會知道佢既能力同習慣,小朋友學嘢好快,你唔係日日都同佢玩你唔會知佢學左d咩,亦唔會知佢能力去到邊。

講真,interview嗰10幾分鐘,唔係淨係in個bb,亦睇埋家長同bb既默契,例如,老師可能講要bb執玩具,但原來平時屋企長輩係同佢講要”收拾”既,依個時候,媽媽就好重要喇!幫bb將老師既指令翻譯成佢識聽既指令,咁bb就知道自己要做d咩!

3. 預好時間俾bb休息同食飯: 千祈唔好以為封信寫左嗰個時間就係in嗰個時間, 好多時你要預多至少半個鐘至45分鐘,如果有室外playground既學校仲會俾bb玩,玩到咩電都無哂扭眼訓先黎in, 所以最好預佢interview前兩三個鐘一定要訓夠同食飽 !

當然如果你個b又識講野仲會唱歌跳舞咁梗係好啦,不過以我觀察所得,基本上細b都好似大dir咁多數人地唱歌佢發呆,人地跳舞佢仲睥住人地tim,識聽指令已經係超級加分,仲加埋講句byebye或者謝謝更加難得!

所以,各位細b家長,我地唔好同人比,假如自己bb做到佢日常既表現我地已經要好開心,畢竟咁細個要去interview已經不容易,以後仲有大把競爭等住佢地呢,所以絕對唔駛急於一時!

Dir媽
新手媽媽一名,兒子於2016年9月出世,自懷孕開始喜愛搜羅不同類型的育兒資訊,希望與大家一同分享育兒苦與樂。