助產士教路餵奶基本功:「愈早啜奶,媽媽上奶愈快!」

Posted on November 23, 2017 By       2,726

william-stitt-138551

係母乳餵哺盛行既年代,好多媽媽都想跟跟潮流餵母乳,做潮媽都係次要,餵母乳既好處真係多不勝數,bb健康免疫力好、長肉快、減少腸胃敏感之餘,媽媽修身又快、同bb親密程度無人能及,即使bb交比其他人湊,但媽媽先係食物來源,對於親生bb有咩滿足得過直接係媽媽身上食到暖立立既奶呢~

但係「人奶媽」呢條路真係十分之難行!頭一日係醫院野都未食,生完仔眼耳口鼻都未執返就話要開始同bb皮膚貼皮膚(skin to skin)比舊綿花仔開始啜奶!新手媽媽可能連bb都未識點抱就要開始餵bb 添~係幾咁偉大既一件事呢!

其實姑娘咁緊張要bb盡早開始啜奶,係因為愈早啜奶,媽媽上奶愈快,bb又可以盡早學習點樣食人奶,因為食母乳bb運用既口部肌肉同食奶粉係唔同架!對小baby黎講係難d ga!再加上如果bb習慣左飲奶粉,啜一啖就有十滴奶入口,對比食人奶,啜十下都冇一滴奶入口,比在係你,你都冇心機食喇,所以,如果可以既話,就盡量唔好比bb接觸第一啖奶粉喇~

不過作為媽媽,一定好擔心自己辛辛苦苦懷胎十月既bb食唔飽喇,隨即就會懷疑自己唔夠奶餓親bb,係呢個時候各位港媽千期唔好對自己既波波失去信心,試下多d按摩,一得閒就打圈圈按摩自己乳房,另外再飲多d水份或者加左通草/王不留行既炒米茶,再加上bb頻密既吸啜,好快你都可以成為一級奶媽~

所以各位媽媽如果決定要餵人奶,就要係產前就做好心理準備,一生完就同bb&自己對奶博鬥喇~~~有信心同決心就好快會成功架喇

我個Facebook page仲有好多其他關於成功餵人奶既分享,click入黎睇下喇~~

#港式執媽
#人奶 #母乳 #媽媽真偉大
#乳汁不足

港式執媽
港產執媽一名,香港出生,正宗香港是我家。志在分享香港產科所見所聞,同時分享產科知識,正所謂「知得多就驚得少」。