【BKOL玩樂情報】 Duffy陪你過聖誕 香港迪士尼樂園巨型聖誕樹配飄雪環節氣氛一流

Posted on November 17, 2017 By       2,564

disney christmas

大家也與貓町媽媽一樣最愛聖誕節及是樂園控嗎?是的話,告訴你一個好消息: 就是香港迪士尼樂園「A Disney Christmas」已經降臨迪士尼啦!雖然我覺得樂園是什麼時候都好玩,但在不同節日樂園又會換上新裝,就會變得更加吸引。多謝BK Milk的邀請,貓町媽媽一家可率先體驗充滿聖誕氣氛的迪士尼,立即報告一下有無驚喜先~

DSC_0481.jpg

Webp.net-resizeimage (4).jpg

樂園轉新裝 小熊 Duffy 好友 StellaLou陪你過聖誕

踏入樂園已經發現周圍已滿佈紅紅綠綠及金光閃閃的裝飾,加上四處響起聖誕的歌聲,充滿濃濃的聖誕氣氛。近來火紅的角色小熊 Duffy 及好友 StellaLou亦會首次參加聖誕慶祝活動,貓町媽媽是StellaLou的粉絲,所以覺得特別興奮,你們也覺得這隻長耳兔很可愛嗎?那就快些到迪士尼與她一起過聖誕及搶購期間限定商品吧!

IMG_1393.JPG

DSC_0565.jpg

DSC_0574.jpg

多款聖誕美食 視覺味覺雙重享受

今次小火子其中一樣最開心既就一定係可以食到好多不同既聖誕特色美食。 食物賣相很可愛,鹹點蛋糕都做得很好,睇下小火子既為食樣就知d野食有幾好味啦!呢個小子鯨吞左兩個雪人,一個迷你撻及數件蛋糕,平時小火子係好挑食ga…,證明d食物真係好味!所以聖誕去迪士尼,一定會搵到好野食。

DSC_0638.jpg

IMG_1404.JPG

DSC_0761.jpg

DSC_0722.jpg

米奇與好友聖誕舞會

呢個表演節目在城堡前舉行,首先有一班小朋友唱聖誕歌,之後米奇與好友,仲有好cute既雪人會出來表演,載歌載舞其實都幾好睇ga, 表演之後仲有飄雪環節,見到一粒粒既雪飄落黎,大家都好興奮呀!  不過在日光下看雪始終有點怪怪的,夜晚睇飄雪一定會更加浪漫。

DSC_0775.jpg

DSC_0779.jpg

不過個表演有成10幾分鐘,小火子當然無耐性企定定啦,所以我既策略係邊玩邊聽邊睇~ 佢玩緊既米奇吹泡泡,雖然唔係聖誕限定,但好多小朋友都一人一個ga! 雖然有點小貴,但真係幾靚,可以吹泡泡,又可以發出七彩既燈光,最重要係可以重用! 好啦,媽媽乖乖咁比錢啦。 仲有仲有,有留意到貓町媽媽身上既爆谷筒嗎?是聖誕限定的布努托爆谷筒,吸晴度滿分呀! 一路玩一路食都幾爽ga, 爆谷份量仲要好多,講個秘密比你知,貓町媽媽一邊打文一邊食緊筒爆谷做宵夜,邪惡度爆燈,但滿足感亦滿分,好味~

IMG_1406.JPG

IMG_1367.JPG

IMG_1364 2.JPG

與迪士尼聖誕角色見面 集郵打卡相機閃不停

聖誕節去迪士尼大家最期待既應該係見到不同角色換上聖誕服飾,見到佢地著得咁靚,當然唔好錯過搵佢地影相啦~ 今次貓町媽媽同左小熊 Duffy & StellaLou; 高飛同小白(雪人)影相,可以同到三個角色影相,大滿足呀!  著住聖誕裙既StellaLou真係好靚呀 (小fans mode中) 至於小火子最鐘意既角色其實係高飛,所以佢都超級興奮,佢同高飛既合照張張都笑到見牙唔見眼ga~ 至於見到雪人小白我就諗起之前同阿仔在迪士尼看過一個表演是有關小白想去熱帶既地方,但又怕溶化既故事,好攪笑! 同迪士尼人物影相真係好好玩,因為佢地永遠都可以在幾秒間變出千變萬化既pose, 他們骨子裡應該全都是優秀的演藝人才 (鼓掌~)

IMG_8097.JPG

IMG_1396.JPG

不是聖誕特有的恆常遊戲推介

眼尖的爸媽應該一睇就知呢個係「小小世界」,搭住船仔一邊聽不同語言既「世界真細小」,一邊欣賞代表不同國家的公仔及裝飾,整個空間充滿童趣~  呢個係小火子每次都必玩既項目。 佢會一邊坐船一邊唱歌;同公仔揮手say hello; 或者做手勢扮影相,很可愛~ 而貓町媽媽也很愛「小小世界」啦,有視覺享受之餘,當雙腳累到不行,或外面既太陽猛烈非常的時候,大家將會發現「小小世界」真係一個超級好的地方! 各位爸媽,如果見唔多人排隊,不妨玩返兩,三次!

DSC_0747.jpg

初次體驗迪士尼樂園「A Disney Christmas」,其實貓町媽媽覺得整體上與上年的聖誕迪士尼沒有很大的分別,但看到充滿聖誕氣氛的迪士尼,又有小熊 Duffy 及好友 StellaLou都已經夠吸引吧!  帶著小孩加上腳骨力有限… 其實我仲有好多野未玩ga… 好似聖誕花車巡遊,夜間飄雪,好好地逛逛精品店,買聖誕精品….其實聖誕去樂園真係好浪漫ga, 「A Disney Christmas」由即日去到2018年1月1號ga, 火子爸,我們再去一次好嗎?

謝謝收看,如果喜歡貓町媽媽的文章或想觀看更多親子玩樂情報,歡迎到訪貓町媽媽的facebook專頁:

<貓町媽媽 親子 玩樂 扮靚日誌>

 

貓町媽媽
愛文字,愛貓,愛手作,希望趁小情人(阿仔)還願意黏在身邊的時候,可以拖著他的小手遊歷更多地方。 相信成為快樂媽媽才可以養育出快樂的孩子,所以深信要不斷學習,同時亦要繼續貪靚才可以成為自信快樂的媽媽。