【方便環保】淘寶好物推介:光能兒童電子小黑板

Posted on November 16, 2017 By       3,550

早排響團購睇中咗幾樣貨品,心動不如行動,想馬上按「購買」掣㗎喇!但理智最終制止得住邪惡嘅魔鬼,停一停,想一想,去淘寶一search之下,發現想買嘅嘢淘寶都有得賣,價錢仲要平好多添!結果通通淘晒落嚟!其中一樣就係即將為大家介紹嘅兒童電子畫板喇!


叫電子畫板又好,叫光能小黑板都好,咪又係同一樣嘢嚟!都係有支手寫筆畀小朋友響塊板上面寫嘢或者畫下嘢咁啦!初時都冇諗住買,因為用ipad download個apps都做到相同效果,但ipad重啲,而且呢塊板淨係單一用途,冇咁多其他邪惡嘅誘惑,起碼唔會畫畫下突然睇咗youtube先啦!


用慣咗覺得都有幾多好處,我哋而家默書時一定會攞佢出嚟用。慳紙之餘,按一個「刪除掣」就可以delete晒所有嘢!好方便!叫朗朗重複再默同一字詞都冇投訴,仲覺得好好玩添!XD 紙、鉛筆、擦膠都用少咗,減少浪費就即係環保咗啦!^^V


踏入二年級,開始要背默,朗朗正努力邊讀邊默寫課文內容。有咗電子手寫板,好似對默書大興趣咗咁喎!


晴晴都唔執輸,又話要上嚟畫畫喎!塊板唔只增加咗小朋友默書嘅樂趣,仲可以發揮無限創意,繪畫出不一樣嘅圖畫添!


唔駛一陣就已經默好喇!果然比平時快靚正呀!It’s magic~ *o*


按下「刪除掣」就可以delete晒所有嘢!唔駛慢慢擦或者攞過張新嘅紙,方便快捷!


刪除後,就好似開新頁咁又可以再溫習第二課喇!


塊畫板可以棟企響度,方便小朋友閱讀或望住嚟抄寫~


只要將筆插入畫板左上角個癃位就企到㗎喇!


唔用畫板時,仲可以當mouse pad咁用添!估唔到簡單一塊畫板都有咁多用途喎!


唔止咁,仲可以當埋間尺用,真係有啲覺得物超所值呀!*o*


晴朗都好鍾意畫畫,咁日後就可以隨時隨地發揮小創意啦!既方便又環保,值得推介!以上呢幅係朗朗嘅作品,唔該晒!^^

奉勸各位買嘢之前一定要上淘寶睇下先呀!最近響facebook見過一啲促銷廣告賣便攜式縫紉機、多功能蔬果切碎器、便攜剃臉毛機、的式神奇熨斗…等等,上淘寶一search竟然全部都有得賣,價錢仲要平幾百,要做精明消費者真係唔懶得㗎!事前功夫要做到足先得!講番塊電子畫板,我鍾意佢夠輕身,去飲茶帶晒兩塊出去畀小朋友畫下嘢,手袋都唔會重好多。而且最大優點係可以減少睇手機、ipad等電子產品,真係一舉多得呀!對ipad對得多會傷神,但呢塊畫板發出嚟嘅光唔刺眼,同用顏色筆響黑色紙上寫字感覺差唔多,咁就唔駛怕傷眼而限住時間用啦!用得安心又放心,小朋友想畫幾耐咪幾耐囉!好用又好玩,仲要咁環保,大家都快啲買番塊畀小朋友溫習用或者發揮繪畫嘅無限創意啦!

睇到呢度,你一定會問我響邊間淘寶店度買。OK!我會畀埋大家!但有關貨品問題或淘寶導致嘅損失,我哋唔會負責喔~

淘寶店網址:https://item.taobao.com/item.htm?spm=a1z09.2.0.0.4469c1c2L6qM3i&id=552999982358

賣家好好,每塊畫板仲送埋保護套、掛繩、貼紙、清潔布、支架、螺絲批、文具夾,同埋多一支後備筆同多一粒電池畀我添!抵到爛~

費用參考:
12″畫板(第四代) x 2塊 - HK$287
使用BUYUP集運送至工商業區 - HK$16
TOTAL: HK$303

※ 我們只作產品推介及說明講解,閣下須自行承擔淘寶可能導致的一切風險及損失。


 

晴朗媽媽
晴晴、朗朗是我的一對寶貝,就讓我和晴、朗一起為大家發掘更多親子玩樂資訊,那便天天都是晴朗天啦!(≧∇≦)