【日常分工】猜猜看:初生孖B要幾多人湊?

Posted on October 16, 2017 By       21,384

double Baby

「2個工人加媽媽自己湊兩個初生BB,好誇張哦!」這是好多人的第一反應。以上雖然唔係我本人湊B的組合,但係作為孖媽來說,我覺得一d都唔誇張。

點解?一齊睇睇頭三個月的孖B生活啦…

初生孖B一天作息參考:

飲奶、瞓覺、大小便…每日呢個cycle 都會loop 六至八次,24小時不間斷。

初生BB, 3個鐘頭要食一次奶,不分晝夜。根據醫院母乳姑娘的講法 :「頭半個鐘BB食果d奶係水份嚟架,要餵夠45分鐘先夠營養。」仲未計BBs吮極都吮唔到的時間喎。

簡單d,舉個例子

0:00 – 0:45 換片+食奶 之後BB和媽媽瞓覺(約2小時15分鐘)

3:00 – 3:45換片+食奶 之後BB和媽媽瞓覺(約2小時15分鐘)

6:00 – 6:45換片+食奶 之後BB和媽媽瞓覺(約2小時15分鐘)

如是者,就8個循環了,即一天了。

上面的時間表好似好合理,媽媽都有得訓覺。

但係現實係殘酷的。以上的時間表只係孖媽的夢想only,2個BB真的會乖乖跟著一個時間表,一齊食奶、瞓覺、不扭計嗎?

假設你的BB們錫住媽媽,會同一時間一齊食奶,俗稱「起雙飛」; 而且媽媽夠奶水,唔駛BBs食完再泵;仲有BBs好少喊,咁以上的夢想就可以實現了。

否則,好多孖媽每日最多瞓到斷斷續續加埋4至5個鐘,已經好好了。在初生頭幾個月,如果是但一個BB,體重唔達標或者其他問題,仲要健康院醫院屋企周圍走添。

除左BBs要照顧,媽媽都要生存,都要食飯,仲要食好多餐來補充營養造奶比BBs添。咁邊個煮飯呢? 其他家務,好似買餸、洗大人衫、手洗BB衫、洗奶樽、烚奶樽等,又點算呢?
以下分享下我個人的湊初生孖B的安排:
孖B家庭工作分為兩大類 — (1)日常家務 和 (2) 湊孖B工作
日常家務:
(A) 買餸買日用品 (B)煮食 (C) 洗大人衫晾衫 (D)手洗BBs衫晾衫 (E)洗奶樽恰奶樽 (F)不斷煲水(媽媽同BBs沖涼、沖奶、幫BBs抺面抺patpat用) (G)清潔家居(掃地抺地、倒垃圾、洗toilet等)

湊孖B工作:
(1)換片 (2) 餵奶或泵奶 (3) 掃風 (4) 抺面嘴頸
(5) 沖涼 (6) 剪指甲 (7)其他: dum訓覺,嘔奶換衫換床單等

— 以上(1)至日(4)每日重覆6-8次
我的安排係……除左餵奶和泵奶[湊孖B工作(2)],其它工作,放手吧!!

交晒比婆婆、爸爸同工人。

媽媽不是鐵人,要有足夠的休息,身體才可復原,照顧BB們哦。

日常家務做唔切,可以從簡,譬如叫外賣或食個白飯就算。媽媽岩岩生完,又要餵奶,唔好比咁大壓力自己,做得幾多得幾多。
若果,不幸地,四大長老同老公都幫唔到手,咁就係媽媽搭工人的配搭。
記住一定要比工人足夠休息,如果唔係有咩意外就慘慘了。所以有d孖媽都會請兩個工人分日夜間返shift。
知道有孖媽係自己1個湊B仲照顧埋自己,個人來說係深感佩服的,不過這又係第2個故事了。

回想起湊初生B的日子,真的係我人生最辛苦的時間; 但在這一年多後的今天,每當我放工回家,就係我感到最幸福歡樂的時間!

森林的童話
Life is a leaf of paper white, thereon each of us may write his word or two. 2016年,我同時獲得兩張白紙 (大孖: 森森; 小孖: 林林) , 為森林加上色彩,編寫她們的童話, 是我的賞心樂事。