【助產士親解】解構產科神秘面紗—老公陪產(下)

Posted on October 16, 2017 By       5,280

baby-1531060_960_720

如果你捱得過之前講既場面,恭喜你!黎到bb出世既一刻,爸爸可以剪臍帶喇!剪臍帶一刻好有意義架,不過唔係想像中一下就剪得斷架,條臍帶個樣就似腸粉,剪落難剪過像筋架~入面有兩條靜脈一條動脈,不過剪落去唔痛架,keep住剪到斷為止就得架喇~

爸爸係等緊既時候其實同媽咪一樣好心急既,見到媽咪痛得咁辛苦都會好想立刻搵醫生幫佢開刀,有時心急語氣就會重左,同醫護人員就會產生conflict 架喇!要記住,醫護人員既出發點永遠都係為媽咪同bb好既,如果順產到,一定比開刀好!(開刀既complication 可以遲d先講)所以,放心交老婆仔女比我地喇!有需要開刀既我地唔會等!跑去手術室跑得快過你添呀~

之後,好多爸爸都會指出,係等緊果十幾個鐘入面,唔知可以為老婆做d乜,等我比d tips你喇
係產房唔可以開電話架,因為驚電子儀器影響胎心聲監察機,所以係唔可以煲劇的!(我想第一個提倡待產可以煲劇!時間一定過得快好多!)
1)不過可以播歌,最原始拎返d mp3機入定d你地鐘意既音樂一齊聽下歌,唉。。香港既產科就係咁守舊架喇!期待第時可以陪產多元化d喇
2)陪老婆傾下計,講下期待bb出世幫佢換片、講下期待影第一張全家幅
3)某d醫院推出左香薰止痛按摩服務,由助產士教爸爸幫媽咪做back massage, 當然要睇當時忙唔忙喇!都好幫到減痛架!尤其係bb背脊向住媽咪背脊既痛苦胎位!媽咪腰骨真係痛到好似比人打咁架!爸爸係出手既時候喇
4)帶定d乾糧野食,因為有可能要等好耐,而好多時以為仲未生得行開去食飯既時候,就係bb出世之時喇!所以爸爸不要離產房太遠喇
5)帶定把梳,老婆生完幫佢梳靚個頭準備影第一張全家福!呢張相呃like 神物黎架嘛!一定要影到媽咪靚女d架!如果遇到我既話,我一定會就鏡頭影爸爸大隻d媽咪細粒d同埋高炒架!期待下遇到我喇
6)背左呢幾句錦囊,必要時打開,包保你老婆愛死你,願意幫你生多幾個呀
-老婆我愛你,多謝你幫我生左個咁可愛既bb
-老婆我以後會錫哂你同bb 架
-老婆辛苦你喇!我愛你
-老婆!要咩禮物隨便講!乜都送比你

#陪產
#tag你老公
#如果我老公幫我梳好個頭先影相我會好感動
#但現實好多老婆生到成個傻婆咁
#呀唔係 #係傻豬先岩
#我會幫你第一張全家福影得好靚架
#想唔想遇到我先

港式執媽
港產執媽一名,香港出生,正宗香港是我家。志在分享香港產科所見所聞,同時分享產科知識,正所謂「知得多就驚得少」。