【開胃消滯】洛神花山渣玫瑰茶 易煲好味又減肥

Posted on October 4, 2017 By       1,583

02

上次我煲過洛神花蘋果粟米茶,小小豬都幾鐘意飲。嚟緊中秋節都應該會食好多月餅,所以我都嚟個開胃涼茶升級版,用洛神花加上山渣同埋玫瑰,等兩位老細可以開胃又消滯啦~

洛神花都好味又有富營養,有助生津潤肺、除煩、開胃、醒酒嘅功效。而且仲可以更有抗衰老,潤膚美顏,降血脂,降胆固醇作用。

山楂有助健脾開胃、消食化滯、活血化痰。對肉積痰飲、痞滿吞酸、瀉痢腸風、腰痛疝氣、產後兒枕痛、惡露不盡、小兒乳食停滯等,均有療效。

玫瑰花有疏肝理氣作用,可改善情緒不好、失眠等問題,除左可以改善情緒問題之外,亦可以調理腸胃功能。 (網上資料) 

洛神花乾10克、山渣10克、玫瑰茶5克及冰糖適量~

洛神花、山渣及玫瑰茶浸洗一陣~

煲內放約1.5L水,然後隨水加入所有材料(冰糖除外)~

用大火加蓋煲約10分鐘~

然後轉慢火加蓋煲多20分鐘~

最後加入適量冰糖,再煲多5分鐘~

熄火後再焗多10分鐘,之後就要即刻夾起啲材料,因為山渣浸得耐,個茶就會變得勁酸呀~

待涼後入樽,放入雪櫃就飲得啦~

加左山渣個酸味係比較重,不過都唔難入口,味道帶點酸酸甜甜,小小豬都讚好飲~

不過依個涼茶小小豬都只係飲少少,依個除左可以開胃消滯之外,亦都好適合減肥,所以…..依一支煲好有600ML嘅涼茶俾我飲晒啦! 

溫馨提示:
– 由於個別人仕體質不同,所以大家記得煲之前了解下自己,如有疑問,請先向註冊中醫查詢! 

洛神花及山楂都有活血袪瘀作用,所以孕婦及來經女仕就唔可以飲依個涼茶啦!

KinseyMaMa
一切以小小豬為中心,讓小小豬擁有一個快樂的童年為目標。同隻百厭豬一齊整嘢食又周圍去玩, 記錄我們這一家嘅生活傻事,讓大家可以陪同小小豬一起成長。