【BB三點先瞓!?】觀察睡眠小Signal 4招調校BB作息時間

Posted on September 27, 2017 By       6,146

sleeping baby (BKMilk)

自芯芯介左夜奶之後,芯芯嘅作息大多都好定時。定時得我同芯芯爸爸會覺得好D恐怖。(笑)猶其係夜晚,芯芯習慣10點飲完奶就會訓教,如果你10點未俾奶奶佢,佢就會喊一喊提提你,就好似識睇鐘咁。

有一次同家姐傾開計,講起佢囡囡最近早左訓,佢終於可以早D上床抖一抖。我就好奇問左一問:

[咁即係幾點訓吖?]

[3點囉]

[咩話?!3點?叫做早左?小朋友咁夜訓對身體唔好架!]

[我都無晒辦法!佢好細個已經係咁,愈大個就愈夜訓!係都要我倍佢玩,我又驚佢嘈住爸爸訓教,未同佢係廳玩囉。]

希望以上對話唔會令各位媽媽有種身同感受嘅感覺,因為小朋友夜夜都唔訓對全職媽媽嚟講絕對係一種煎熬。

雖然芯芯作息好定時,但絕對唔係天生,因為我係芯芯一個月大開始就已經落苦工。依家我同大家分享下(攪鬧鐘)嘅心得,希望幫到大家^^

1.要分日.夜

日頭有天然光就緊係無問題喇,但如果夜晚你要俾BB訓教,記得要係哄BB訓嘅時候就要攪暗房間嘅燈,而唔係等BB訓左先攪暗。因為要俾BB知呢一種光線係要教豬嘅時候喇。

2.可配上睡眠音樂

可以簡一D純音樂嘅兒歌,例如ABC SONG,小星星等等…係BB有睡意嘅時候就可以開始播喇。盡量唔好簡音樂輕快,活潑好動嘅音樂,因為愈聽只會令BB化唔係訓架!當BB開始習慣左訓教嘅時候有音樂,就會好似入左潛意式咁。每當一播呢首睡眠音樂嘅時候,就會自然會有睡意。

3.留意BB想訓教嘅小動作

BB想訓教嘅時候通常都會有D小動作,例如:捽眼,打哈欠,用力摸頭,扭計等等,唔好錯過BB眼訓嘅小動作,因為呢D訊號可以好效幫各位媽媽調教自己BB嘅生理時鐘。

4.夜晚作息前唔好同BB玩得太癲

有某部份嘅在職爸爸/媽媽,收工時間可能好夜,所以會第一時間番屋企倍BB玩下,享受下親子時間。但有時會唔覺意同BB玩得興奮左,見到BB笑得愈開心就愈收唔到手。但其實BB訓教前2小時盡可能唔好同BB玩得太癲,因為BB會滿腦子都係玩嘅片段,從而影響到睡眠質素架。

以上係我個人嘅一D小經驗同心得,希望可以幫到十家喇^^

BBPM8466

芯芯媽媽
因為非常喜歡小朋友,我特登報讀幼兒教育課程。直到今年,我正式成為芯芯嘅媽媽,發現養育小朋友、做媽媽所經歷嘅絕對係書本上學唔到!所以我想將我所學到嘅少少幼教知識同我嘅親身經歷同其他媽媽分享。