【餵人奶的抗爭】「家嫂你餵乜人奶丫!?」溝通加教育 4招得到家人支持與合作

Posted on September 11, 2017 By       2,859

MILK V2

Dir媽由大dir一出世開始同好多奶媽一樣,日餵夜餵,日泵夜泵,希望bb有最天然既食物同最珍貴既抗體,幫佢日後身體健康!

Dir媽因為要返工既關係由放完產假開始就會每日返工泵奶然後雪住,第日就由奶奶去暖翻支奶俾阿b食,由於我的確是窮媽,每日都只係僅僅夠食,遇著bb大食d嗰排就已經要補奶粉

我以前唔知上一輩既人點諗人奶依樣野,佢地眼中奶粉已經是又好味又有營養的 (奶粉廣告幾十年的功力不容忽視), 而人奶又稀 (compare to 奶粉),當然係愈杰既野愈正啦,同埋又麻煩,又要提早暖奶,因為唔可以用太熱既水,一陣又話殺哂d抗體, 對於要幫手湊bb既長輩直情係怨聲再度,bb一喊先暖奶就要bb喊多幾分鐘,又無咁飽肚,間接增加佢地工作量

我對抗上一輩對人奶既迷思既方法係咁既:

  1. 提早預告:係大肚既時候就俾佢睇d講人奶同奶粉有咩分別,有d咩成份係人奶有但奶粉無既,而嗰d成份又點幫到個bb, 去到重點位要重覆同佢講,因為佢地未必好似我地咁focus睇條片
  2. 搵個支持人奶既陪月:佢一上黎探bb既時候又同佢不停講食人奶對bb好好 (反洗腦既教育)同埋最重要教佢人奶基本知識,例如用幾多度既水暖奶,點暖冰奶同雪奶,邊d奶先可以倒埋一樽,最重要係不停同佢講滴滴皆辛苦,一滴都唔可以浪費,依d說話你自己講無用,陪月都係同奶奶差唔多年齡,由佢把口講好過,同埋坐月你休息緊,其實無咁多時間同佢講依d野
  3. 老公攻勢:老公唔係橋埋雙手的,必需要同奶奶講清楚你地決定係你返左工之後bb都會繼續食人奶,最好買埋暖奶器俾佢,教埋佢用,咁睇到溫度咁簡單就唔驚佢話唔識
  4. 唔買奶粉:其實dir媽一開始返工既時候雪櫃係有冰奶存貨既,咁其實就無必要食奶粉,所以奶粉係收起既,唔會俾奶奶見到,或者你再determine d直頭唔買奶粉也可以

滴滴皆辛苦,埋身都辛苦,但為左bb, 幾辛苦我地都會捱得過,同埋其實最辛苦只係頭兩三個月,bb大得好快,可以係佢咁細既時候幫佢打好個底,媽媽幾辛苦都唔怕,加油啊奶媽們!

IMG_1439

Dir媽
新手媽媽一名,兒子於2016年9月出世,自懷孕開始喜愛搜羅不同類型的育兒資訊,希望與大家一同分享育兒苦與樂。