N班面試:作戰篇!

Posted on September 1, 2017 By       2,487
unnamedV1

"老師早晨!"Lu爸Lu媽帶住LuLu去到面試枱。兩位老師笑容可掬,枱上擺放著色彩繽紛的玩具,場面卻安靜帶點嚴肅,蚊飛過應該都聽到⋯⋯緊張的氣氛凝結住課室內的空氣。就似兩陣對壘,如箭在弦一刻,大家手握兵刃準備出招(但Lu爸其實手執棵葱),估唔到係兩陣中間嘅LuLu悠然自得地玩枱上玩具。

老師眼神凌厲出招:"請問您叫乜名?"

LuLu眼也沒望:"⋯⋯"

Lu爸緊張接招:"老師問您叫乜名?您平日自己都識講丫(其實平日冇講過)。"

LuLu繼續不理會Lu爸自己玩。

Lu爸步法未穩:"可能LuLu對住陌生人有點緊張,平日係識講㗎。"

之後老師迴旋進擊發問LuLu幾多歳、邊個係爸爸,媽媽,平日喜歡玩乜等等,LuLu都一語不發,只顧玩玩具,有如進入忘我境界。

老師面對如此水皮的對手,已經不屑再出招:"不如你試下自己疊積木Y。"

當LuLu想把手上積木擲落地,Lu爸最後狼狽擋架,總算不再失威。但老師目光如炬,也看穿了。

面試完了,戰鬥也完了,最後LuLu可唔可以穿上所謂名校的校服⋯下回分解。

Lu爸
80後hea爆廢青LU爸,婚後終日沉迷電玩。為了迎接新生命的來臨,開始寫下日記,待孩子長大後回顧。留給一份心意,而不是一份負擔。