【開學了】N班面試

Posted on August 18, 2017 By       4,631

unnamed

終於等到N班面試的一天,Lu爸Lu媽著到去飲茶,帶住LuLu坐的士到九龍塘間幼稚園。但已經見到有些小朋友坐著私家車來到。Lu爸心諗的士都唔失禮丫,氣勢呢d野,輸人唔輸陣ga。

去到等侯區都好多爸爸媽媽同自己小朋友"熱身",有的講下生字,有的說話練習,而LuLu呢?見到有車車玩就進入左忘我境界。Lu爸諗住同佢練習下講自己個名,但事實上佢真係唔識講(有d後悔平時成日叫佢做BB,冇叫佢個名)。見到隔離個小朋友gel 左個蛋撻頭、對答如流;Lu爸又開始冒汗。

Lu爸心諗:"其他小朋友戰鬥力都好強,但嚇我唔到ga"。當LuLu走到面試枱前,Lu爸準備用洪荒之力同生命力硬接…下回再分解。

Lu爸
80後hea爆廢青LU爸,婚後終日沉迷電玩。為了迎接新生命的來臨,開始寫下日記,待孩子長大後回顧。留給一份心意,而不是一份負擔。