【飯盒之道】粟米、番薯是首選 三文治不宜帶戶外

Posted on August 1, 2017 By       4,893

Dine out snacks

帶小朋友户外活動,除咗想佢地開開心心,放吓電之外,梗係希望玩完一輪有胃口食多啲,最好回家仲可以一覺睡到天光。
至於帶什麼食物野餐吃,首選一定是粟米和番薯。

粟米和番薯既有纖維又有澱粉質,運動期間補充能量一流!粟米切得一截截,番薯揀細條的,小朋友自己拿著吃,特別滋味。

而且粟米番薯不易變壞,現在天氣熱,越簡單的食物越好,避免帶芝士三文治,或含沙律醬的食物,好易變壞。

要補充蛋白質,可以買不用冷藏的紙包奶或豆漿。

如果帶生果,最好帶不需預先切開的,例如柑,士多啤梨,藍莓,小蘋果等。

當然,如果小朋友好想吃其他麵包蛋糕,都可以買幾件,不過最好是臨走先吃,而且唔好買有忌廉或慕絲的蛋糕或撻,一來容易變形,而且天氣熱亦容易變壞。

最後,一定要帶夠水,可以將凍內樽放入保溫袋,清涼的水,好過飲汽水。

Annie Lee
於醫學美容中心任職營養師主管多年,現為私人執業營養師,主要服務對象為家中三寶: 囡囡和一對龍鳳胎。其他工作包括:幫助人客體重管理、改善血糖、血脂、膽固醇、懷孕前後營養跟進等問題,為多個健康專欄分享營養資訊,以及舉辦健康講座。