食多一啖飯

Posted on June 14, 2017 By       50,598

kids appetite

好多小朋友有偏食問題,其實我細個都好偏食,依家大囡開始進入偏食期,唉。

 

偏食原因有好多,可能係之前已食咗零食,可能餸菜款式唔吸引,可能唔鍾意食太熱/太凍/太甜/太咸/太軟/太硬的食物。

 

亦有可能,小朋友根本唔餓。

 

最近幫大囡報了一連串暑期活動,其中一個體操班在星期日已開始。自問非怪獸,幫囡囡密密安排節目,除了唔想佢悶,最主要原因係想佢跑跑跳跳,放放電,然後回家食多啖飯,乖乖瞓覺。

 

大人同小孩一樣,想健康啲,大隻啲,不能一味只氹佢地食多啲,或飲多杯營養奶粉,因為根本可能唔餓。最簡單應該是多活動,多消耗,有餓的感覺,才會有胃口,亦減少嘴饞的習慣。

 

Annie Lee
於醫學美容中心任職營養師主管多年,現為私人執業營養師,主要服務對象為家中三寶: 囡囡和一對龍鳳胎。其他工作包括:幫助人客體重管理、改善血糖、血脂、膽固醇、懷孕前後營養跟進等問題,為多個健康專欄分享營養資訊,以及舉辦健康講座。