【楠哥BLW二三事】BB掉食物怎辦?

Posted on June 9, 2017 By       43,537

20170609_BLW4

當楠哥行咗BLW一段時間,大約去到一歲。佢經歷緊一個問題——掉食物。

 

其實楠媽睇過一d有關育兒嘅書/文章,提到8-12個月嘅嬰兒喜歡掉野嘅原因係發展空間感。佢地會開始發現三維空間,覺得攞住一些東東,由上而下咁跌落地下很有趣,鍾意睇。所以楠媽從來沒有因為呢d事而鬧佢。楠媽覺得佢呢個月齡鬧佢沒有必要。小朋友對身邊事物好奇係天性,咁樣佢地先會對生活各種事物有興趣,會自己發掘各種新奇事,活著才有意義。

 

而且呢個月齡未到好了解父母打/鬧嘅真正背後意思。咁樣做,似乎會埋沒了寶寶嘅好奇心。好奇心令寶寶明白因果關係,也促進記憶力發展。有些東西你講10次、20次、100次佢唔會明白。但只要自己親身經歷,只要1次、2次、3次,寶寶一定會好深刻。(沒錯,楠媽係虎媽,當bb係小童咁教)

 

講番正題,楠哥1歲,容易分心,會受周圍環境影響,而且對食物有了喜好。經過楠媽觀察,佢有以下幾個情況會掉食物。

 

1. 唔滿意某種食物

2. 分心唔正經

3. 食飽

 

楠媽處理手法係本住要佢親身經歷嘅原則。我唔打、唔鬧,我目的只係想佢明白,唔珍惜食物就得自己承受肚餓嘅結果。反觀,我打佢鬧佢,沒錯,佢係會知唔准掉,但佢唔會明點解唔准掉,可能佢唔掉只係為咗唔想被打被鬧,媽媽不在場嘅時候,佢又會瘋狂掉。我唔想我嘅孩子係因為怕我而唔做某些事,我要佢打從心底明白點解唔可以。因為媽媽好愛孩子,比孩子嘅感覺係唔應該可怕。將來也是,我唔希望我嘅孩子因為怕我,而講大話,喺我面前很乖,在我背後很壞。(我一直一直提自己,唔想將來後悔)

 

要佢親身經歷挨餓了。有一次佢食午餐,因為唔喜歡食物質感/某款食物(由於是楠爸煮,而楠爸當時唔了解佢),佢竟然瘋狂掉,幾乎沒甚麼落肚。楠媽好冷靜,一而再再而三咁問楠哥⋯…

 

「你係唔係唔食?」

楠哥發狂似的在叫,手不停掉。

「媽媽問多一次,你係唔係飽?」

楠哥似乎唔想理我,攞起餐盤。

「好啦。咁媽媽收起餐盤,你到下一餐才吃吧⋯⋯」

 

結果,楠媽真係等4小時後嘅晚餐才再次提供食物比楠哥 (現時係3固1奶,只有睡前奶)。楠哥太肚餓,一見到餐盤竟然立即大哭,我還是正常速度準備——帶佢去洗手、放佢去餐椅,戴好圍兜。今次佢很快很快全部吃完了,還要拍手笑 (仲追加了藍苺一盒) 。佢似乎發現,要珍惜眼前嘅食物了。

 

20170609_BLW

 

或者有人會覺得我好過份,點解可以忍心要寶寶挨餓。但我更加唔願意寶寶不明不白咁被打被鬧,要打佢終止佢嘅行為好容易。楠媽覺得要寶寶真正明白每件事嘅真正意義,才是為人父母嘅職責呀。外人看寶寶很心痛,其實楠媽我比誰更痛心呀。楠哥是我懷胎十月生下嘅寶貝呀~

 

HappyBLW!

楠媽

 

相關閱讀:

【BLW新手包】6m開始自己食 培育自主探索BB

沒有半BLW!在職媽媽可育成全BLW BB

【楠哥BLW二三事】從一固到兩固,由增加長輩信心開始

【楠哥BLW二三事】BLW小知識-Gagging vs Choking

 

楠媽
楠媽是一位工程師。終極夢想係成為全職媽媽。自從仔仔楠哥6個月大起以BLW方式加固之後開左第一個育兒Facebook Page - 楠哥blw日記。同fans分享BLW食譜,育兒心得。黎緊8月楠哥妹妹藍妹就出世,兩年抱兩,到時定必又有一番新景象。