【BLW新手包】6m開始自己食 培育自主探索BB

Posted on April 21, 2017 By       39,415

20170421_BLW

收到不少媽媽查詢有關blw嘅問題,今日先講下BLW是甚麼。

 

Baby-led Weaning (簡稱BLW) 就是讓BB主導戒奶。跟傳統餵食既概念不同,沒有糊仔粥仔果蓉,BB會直接探索大人食物嘅質感。主張由BB有主導權去食,大人唔需要餵食,食幾多、食唔食都由bb自己話事。讓佢自己去探索食物,目的係建立信心與對食物的認知同時訓練小肌肉(手眼協調)同小腦袋解決問題,例如點handle食物,點用自己方法放入口。減低日後偏食,大人要追食等問題。

 

有人會覺得,點解你咁快要佢學自己食野,佢大個都識自己食啦。對!所有小朋友大咗都會學習用餐具自己食。BLW嘅BB都一樣,有一天會學習用餐具,有一天不會將食物掉到周圍都係,污污穢穢,成頭成面都係食物。這是每個人必經階段。只是怎樣去過渡而已(由吃奶過渡到固體,然後自然斷奶)。所以BLW重點不是「自己食」,而係自主,探索,培養對食物嘅興趣同建立自信。如果你諗住BLW嘅目的係想訓練BB「自己食」的話,那麼BLW不適合你哦。

 

如果你明白,而且想開始嘅話,建議大家睇書「Baby Led Weaning- the essential guide to introducing baby to grow up a happy and confident eater」(只有英文版),入面嘅內容十分豐富,解決很多有關BLW嘅迷思。讓你明白而且放心去進行。

20170421_BLW02

 

BLW新手包

基本準備

1. BB滿6個月大,可以獨自坐超過10秒

2. 對食物好有興趣

3. 吐吞反射動作消失

 

點樣開始?

最初楠哥每天都是菜心菜心和菜心。我希望佢由基本野學起。菜心莖係一樣很好入門食物。有營養,多汁,又易拎,成功率高。6個月大嘅BB最愛咬東東。咬菜心莖同咬玩具一樣佢自己咬到又有成功感。

 

楠哥由菜心、皇帝蕉、牛油果開始,後來加入飯波、麵條、pancake、薯餅,再引入肉類。

*注意:剛開始不要比蘋果及梨,太硬。

 

剛開始,BB一定唔識吞落肚。媽媽要做嘅,係給與安全既食物,坐係佢隔離,陪佢食,教佢食,讚佢。讓佢覺得食飯係件開心事,自然會願意食,BB嘅模仿能力好高,呢個係本能,不斷去學習其他人去進步,特別係媽媽,因為你係佢最大嘅安全網,本能上佢學你一定無錯。

 

媽媽都要有無比既耐性。因為……BB唔會食到,玩多。因為大家要明白,食飯咁簡單嘅事,對bb黎講係好複雜,係一連串佢唔識嘅動作。

1. 咬

2. 舌頭反覆將食物在口腔內移動

3. 將口腔內食物切碎

4. 舌頭把食物推到口腔後方

5. 吞嚥

 

BLW和傳統餵食差別是, 餵食先學會吞嚥才學會咀嚼,而BLW一開始食固體,所以BB先學會咀嚼才學吞嚥。

 

有人會質疑BB飲奶咪就係吞嚥?可以這樣說。但係吸奶和吞奶是一個連續動作,而且奶咀一開始已放係舌頭嘅後方。所以單獨吞嚥是複雜好多架。

 

行BLW嘅媽媽要比多d時間BB,千萬唔好心急,因為你嘅BB係好努力好努力學習當中,需要你嘅支持同鼓勵。一齊去進步。

 

(送上楠哥第三次BLW食菜心既video,佢當時竟然突然識用口咬實條菜,移動自己隻手低少少,再食。我當時又好感動啦)

楠媽
楠媽是一位工程師。終極夢想係成為全職媽媽。自從仔仔楠哥6個月大起以BLW方式加固之後開左第一個育兒Facebook Page - 楠哥blw日記。同fans分享BLW食譜,育兒心得。黎緊8月楠哥妹妹藍妹就出世,兩年抱兩,到時定必又有一番新景象。