朱薰E正音胎教  分享「孕」趣 :)

Posted on December 3, 2012 By       5,396

【香港消息】說起正字正音,浮起若干名字,其中一個必然是「朱薰E」。初為人母的她自詡打破商台「魔咒」,成為了第一個「嫁得出」又「陀緊B」女主持。現時,腹大便便的她步履輕盈,仔仔預計趕得及於明年1月初出世做龍仔,一貫樂天的她慶幸未因懷孕而有任何不適,坦言懷孕樂趣多,既實行正音胎教,又試過懷胎3月於主題公園中暑暈倒,她笑言:「醒番,再玩過!」。 即CLICK睇片!>

 

 

正音胎教測胎動

平時朱薰E電台傳授「正音功」,對肚中BB她實行正音胎教,「唔想囝囝講懶音,講核突英文,所以不時讀書俾肚入面個BB聽。而且,現時已經開始講BEDTIME STORY,有朋友指肚中BB聽得到,讓囝囝可以聽到正確發音,又可以認住媽媽聲音。」

 

「如果有胎動,一些育兒書教可嘗試以手指在肚皮上輕輕打拍子,測試一下BB有否反應。我照書中方法去試,BB真係有回應,而且隨著BB成長愈來愈大力,有時大力得好緊要。尤其,去睇演唱會,一有強勁音樂,BB好似跟住拍子不停劇烈郁動,我要即時坐低休一休息。」朱薰笑言,「BB應是很『百厭』。」

 

 

第一個母親節

朱薰E笑言最初得知懷孕,開心到「爆標」,「BB的來到是意料之外, 對於丈夫與我來說都是一個驚喜,我們都很開心迎接新生命。最初只感覺怪怪,恰巧丈夫又因公事經常不在家,沒有機會與丈夫傾訴,更誤以為荷爾蒙失調。直至,丈夫公幹回來,便跟他說:『如果我唔係有病,就係有左(懷孕)囉!』」

 

朱薰E甜滋滋道:「證實懷孕當天,恰巧是MOTHER’S DAY,彷彿BB、丈夫與我慶祝的第一個MOTHER’ S DAY,充滿意義。」

 

 


學會淡定放鬆

朱薰E初為人母,懂得學會放鬆,「我本身自己是一個好緊張的人,事事都很嚴謹,有些時候會過分緊張,而我老公係一個比較lay-Back 既人,無所謂,是是旦旦,緩和我的緊張個性,讓我學會放鬆。以前我買嬰兒用品, 要做齊所有資料搜集才會下決定,老公則讓我放鬆下來。」

 

朱薰E裝出一副煩惱樣子,「之前,我唔知買咩奶粉好? 老公認為不同奶粉的營養成份差不多,總之食左無事就得。現時,為子女揀學校都淡淡定,無話一定要入名校。老公話:『屋企樓下開左間新學校,就樓下果間!』」她直言見到身邊朋友排隊攞表,排隊交表,覺得「好癲呀!好驚呀!」,被老公感化的她真的放鬆了,她說:「小朋友最重要健康成長。」

WISH U HAPPY & HEALTHY

問及順產或開刀,朱薰E坦言順產,「開刀咪唔知下面搞緊咩?做媽媽一定要經歷這種感覺。加上順產好似比較健康,不但孕婦復原快一點,而且聽聞順產的BB抵抗能力較強。(媽咪點講?)媽咪將生我的過程說得好輕鬆,佢話生我果日如常工作,那晚,食完飯後肚痛便即刻入院,第二天我便出世了,唔覺得好痛。」

 

每位媽媽共同有著一個簡單願望──子女成長健康,朱薰E都不例外。「未有BB前會諗好多事情,例如希望囝囝性格要OUT-GOING;現時有左BB反而覺得健康、快樂便足夠,其他的都是瑣碎事。不時唱歌哄BB開心,(即席唱了兩句) BABY, I WISH YOU HAPPY, BABY I WISH YOU HEALTHY!」

 

INTERVIEWEE: 朱薰E
REPORTER:  K-jai
PHOTOGRAPHER:  Byron Lau
VIDEO-RECORDING:  薰衣
LOCATION: 金滿庭
SPECIAL THANKS:  Jamie Cheng

K仔
熱血編輯部成員!