如果你以為社工係不會對兒子發脾氣,咁就錯了……

Posted on December 5, 2016 By       6,196

20161205_parenting

社工不是聖人,記得有一次我兒子3歲的時候,那時由於工作壓力和各方面壓力比較大,休息時間不足,有一晚,忍不住向兒子發脾氣,鬧咗佢一鑊。

 

我冷靜後向他道歉 (爸媽自己做得不好是絕對應該向孩子道歉的)。

 

我:sorry呀,寶貝,頭先媽咪發脾氣鬧你,你有無唔開心呀?

兒子一臉純真望住我:無唔開心呀。

我:點解嘅?媽咪發脾氣鬧你都無唔開心?

兒子:因為就算我唔乖b,媽媽成日都係咁錫我架。(然後攬住我拍我背脊……)

 

我當時即感動到喊……自己父母都未必懂做的,這個3歲的孩子懂。能做媽媽,深感是福氣!

 

孩子是一面鏡子,他做的正就反映你平日怎樣對待他,我和社工爸爸平日就是常常擁抱他、錫他,常常重複跟他說:「爸爸媽媽很愛你、你是寶貴的、你是我們的寶貝、是天父送給我們最大的禮物、我們很珍惜你、永遠都愛你、你做錯事都永遠咁愛你……」之類的說話。

 

以上的說話、擁抱、錫等等,每天不少過50次。所以,我的兒子也常對我們做/說類似的事。孩子,是父母的一面鏡子,記緊這句話。

 

社工爸媽自家教手記
謝麗敏姑娘,註冊社工,16年青少年及兒童服務經驗,曾獲新秀社工獎。 育有一子5歲,在產房第一次見到兒子時,就只想兒子健康和快樂,因此兒子沒有上學而是自家教-homeschool。