食唔食奶咀好?

Posted on December 1, 2016 By       5,253

20161201_pacifier02

唉,湊仔真係難過打機,但冇理由難就退縮!點好?用生命力硬接law!

 

有時半夜攰,Lu爸個條能量值真係好低,但一Apple LuLu又叫喊不停點搞?唔通真係出動奶咀神器?

 

話說嫲嫲講過用奶咀對BB唔好,牙齒可能大左會唔整,而且又造成依賴,所以我BB果陣都冇比我用,話先有我宜家咁靚仔喎!但Lu媽就認為BB食下奶咀當安撫冇問題,佢自己BB果時係有食,大個咪又係靚女禁話。嘩好亂丫……聽邊個好?

 

最終Lu爸都有試用奶咀,不過Apple LuLu 就只是用左一個星期左右就冇用,又冇特別喜歡或依賴奶咀。因為用「生命力」硬接去按撫佢成效好似仲大……

 

其實球星碧咸個女(哈7)約4歲時比影到食奶咀的風波,說明了做父母總會為子女著想。食奶咀應該沒有絕對啱或錯,醫學界也有兩方面解釋。Lu爸認為先決條件是使用時的安全和清潔,而且先嘗試真正去了解BB的需要(會不會太餓太凍,要換片定眼訓或生病等等),就唔好將奶咀當成萬能神器丫!

 

Lu爸
80後hea爆廢青LU爸,婚後終日沉迷電玩。為了迎接新生命的來臨,開始寫下日記,待孩子長大後回顧。留給一份心意,而不是一份負擔。