【親子遊】大嶼山自駕遊:玩轉15個景點 + 許可證申請方法 (多圖)

Posted on November 11, 2016 By       17,062

20161111_LANTAU00a

自從運輸署推出「大嶼山自駕遊」計劃後,揸車入大嶼山就方便得多喇!難得成功申請許可證,一於安排好想去嘅景點,盡情響大嶼山玩番一日!

 

大嶼山啲路彎多路窄又多斜路,對喜歡駕駛嘅朋友來講,相當富有挑戰性。至於身為乘客嘅我哋,當然就可以盡享車程中嘅湖光山色啦!前面就係通往大嶼山(南)嘅封閉路段喇!我哋入去囉!gogogo~~

1144116502_m

1144114934_m

 

第1站:長沙海灘

1144116504_m

雖然經過長沙多次,停下來欣賞都係第一次。沙灘真係好長,浪不停拍打岸邊,狗狗正在嬉水玩耍。此情此景,盡入眼簾。

 

提醒大家落車要小心啊!因為地上隨處可見牛便便。

1144115731_m

 

駕駛時會在路邊遇到牛牛,要「小心牛隻」呀!

1144115838_m

 

第2站:昂坪市集

在昂坪市集側的停車場泊好車之後,就開展我哋嘅大佛之旅喇!經過市集順便行下街,見到有3D展板免費畀遊客影相,好得意呀!

1144114443_m

 

原來在大澳出嫁係咁有特色架!

1144115926_m

 

第3站:天壇大佛

1144115343_m

即將要嚟一個近距離接觸,預備好體力未先?

 

第一次帶小朋友一齊行呢段路,估唔到晴晴都好夠腳骨力喎!

1144116316_m

 

近距離一睹大佛正面,相信就係所有人行咁多級樓梯嘅推動力喇!

1144114448_m

 

欣賞完一輪景色過後,我哋又去搵嘢食喇!N年前到過寶蓮寺食齋和豆腐花,估唔到檔豆花仲響度,仲擴充咗有埋點心食添!

1144115543_m

 

奶黃水昌糕、砵仔糕、白糖糕、眉豆茶粿、西米布甸、菠蘿包、春卷、煎堆仔、糯米糍……等等一應俱全。

1144115645_m

 

食完仲巧遇牛牛,唔通連牛牛都要嚟參觀大佛?哈哈!

1144114168_m

 

第4站:大澳東方小祇園

話咁快已經到達下一站大澳,我哋首先到東方小祇園開餐。

1144115464_m

 

等待食物嘅時間出去四圍逛逛,晴晴見到曬果皮同種木瓜樹,又係長知識嘅好時候喇!

1144115657_m

 

嘢食到喇!唔講真係唔知原來呢度除咗齋菜,亦都有肉類嘅菜式。好似呢碟生炒排骨就真係肉嚟架喇!

1144116341_m

 

食飽就梗係再玩過啦!到附近嘅兒童遊樂場放電去。

1144115571_m

 

第5站:香港基督教女青年會大澳文化生態綜合資源中心

1144115962_m

自小已經常常跟家人來大澳閒逛,所以我同大澳有著不解之緣,一有空便會來行下。嚟過大澳嘅朋友都知無論大街小巷都有好多海味、鹹魚、蝦醬賣,都算係大澳嘅特色之一。

 

今次來見到多咗一啲新店舖,又可以留低一啲腳毛喇!呢度係香港基督教女青年會大澳文化生態綜合資源中心,先嚟認識一下大澳文化啦!晴晴都係第一次接觸水上棚屋,睇模型已經覺得好有趣喇!

1144115846_m

 

第6站:好物雜貨舖

1144115963_m

好鍾意行下呢啲雜貨小店,每一件貨物都好得意,有啲仲好有創意呢!

 

第7站:棚屋

1144115964_m

主菜嚟喇!帶著晴晴看棚屋!「原來棚屋建在水上?我都想住呢啲屋呀!」小朋友總會對新鮮事物感到很好奇。

 

手工藝品在街頭成行成市,其中以雞泡魚掛飾最可愛呀!

1144115848_m

 

有幾個角度望大澳都好靚㗎!呢個就係其中一個喇!

1144115766_m

 

當地人曬咸蛋。

1144115678_m

 

第8站:大澳文物酒店

自從大澳有酒店落成後,附近環境都美化咗,沿住海邊一路行好舒服。

1144115855_m

 

來到一定要搭下呢部lift,感覺就有啲似搭梗山頂纜車咁呀!

1144115585_m

 

仲有海景睇添!不過只得短短10秒,好珍貴。

1144116801_m

 

酒店環境優美,望住個海,所有煩惱一掃而空,好舒服。

1144114981_m

 

酒店嘅前身係大澳警署,拘留室仍然保留給遊客參觀,仲有一啲昔日照片介紹以前大澳警署嘅工作,原來拘留室好細㗎咋!我唔係壞人唔入去喇!

20161111_LANTAU01

 

第9站:勝利

1144117207_m

購物時間嚟喇!每次嚟大澳都一定會到勝利買幾樽蝦醬帶回家,佢哋啲蝦膏都唔錯㗎!

 

呢個係第二個靚角度望大澳。

1144114988_m

 

繼續向大澳嘅另一邊進發,又經過一棟棟嘅棚屋喇!第三個望大澳靚角度在此,正呀!

1144116514_m

 

第10站:侯王廟

1144116087_m

記得中學嘅時候嚟呢度求過簽問姻緣,細細個已經咁恨嫁。舊地重遊,今次帶多咗個小朋友,唔再求神問卜囉!

 

又係親親大自然嘅時間,原來水邊有好多條跳跳下嘅「彈濤魚」,晴晴睇得好興奮。

1144117505_m

 

第11站:新基橋

1144117115_m

呢條橋係居民自資興建嘅,已經超過30年歷史。目的為方便漁民出入棚屋區域,橋嘅中間係可以打開畀啲大船駛過㗎!

 

由橋望出去嘅大澳景色都好靚,又搵多個望大澳靚位喇!

1144116647_m

 

第12站:大澳餅店

1144116648_m

臨走又發現多咗啲新店,好似呢間大澳餅店咁,有售賣沙翁、蝴蝶酥、核桃酥、椰撻、蛋撻、芝蔴餅,睇相已經想試下味喇!

 

第13站:大澳榕樹頭

20161111_LANTAU02

依間啲甜品都好似好吸引呀,晴晴見到已經不停大叫TWIN STAR喇!

 

第14站:貓澳Meow

1144117901_m

以貓為主題嘅餐廳貓澳Meow啱晒一眾貓咪迷啦!下次嚟希望可以試晒佢呀!

 

第15站:大澳橋

1144118101_m

離開大澳之前,再次踏上大澳橋。仲記得未有橋之前,過河要付幾毫子搭橫水渡架!

 

夕陽無限好,只是近黃昏。在橋上仲可以欣賞得到日落美景添!

1144118003_m

 

街燈已亮起,我哋都要趕緊時間離開喇!許可證有效時間至到晚上7點架咋!黃昏時候景色特別靚,仲多咗份詩情畫意添呀!

1144117904_m

 

有興趣申請許可證嘅朋友,不妨參考以下資料:

1144118403_m

「大嶼山自駕遊」計劃網址:按此

成功申請後將會收到以上資料,橙色許可證需要貼於車頭擋風玻璃上。

 

大嶼山自駕遊駕駛者須知 (可按圖放大)

1144139906_o

 

在大嶼山需要特別留意嘅道路標誌 (可按圖放大)

1144138136_o

 

地圖有齊晒泊車位置資料 (可按圖放大)

1144140111_o

 

今次大嶼山自駕遊圓滿結束喇!多得好天氣,全程都好舒服,感覺就好似去咗第二度旅行咁無拘無束、悠閒自在呀!不過聽晴朗爸爸講申請時要靠一點運氣,一早上運輸署網站快手click先得!因為每日有限名額20個,手快有手慢就冇喇!希望大家都可以成功申請得到,帶埋家人一齊入大嶼山玩番日啦!

 

順帶一提!曾經有報導指發現大澳水域一帶的海豚懷疑被船隻的船葉割傷導致周身傷痕累累。為保護海豚及其他海洋生物,我哋都唔建議大家出海睇海豚喇!將保護海豚嘅訊息傳遞給小朋友,一齊做好保護海洋啦!

 

晴朗媽媽
晴晴、朗朗是我的一對寶貝,就讓我和晴、朗一起為大家發掘更多親子玩樂資訊,那便天天都是晴朗天啦!(≧∇≦)