秋冬滋潤中式糖水 甜度大比拼!

Posted on November 11, 2016 By       3,788

20161110_sugar02

叫得糖水,甜就梗啦!但邊款最甜你又知唔知?

 

消委會聯同食物安全中心測試100個來自各區糖水店、酒樓及荳品店的中式糖水,發現逾半樣本的糖含量,食一碗,相當於每日最高可攝入量的五成或以上。

 

不要以為生果甜品較健康,眾多樣本中,最高糖份的是楊枝甘露!

 

楊枝甘露用柚子和芒果做主打食材,雖然芒果本身已含果糖,但仍需要額外糖來平衡柚子的酸澀味,所以糖份比其他糖水多。

 

其次是番薯糖水,番薯煮得耐已屬高升糖指數 (高GI) 食物,再加上額外的糖水,一豌300克就有30克糖。

 

相對,腐竹雞蛋和豆腐花是比較健康選擇,特別是豆腐花,未加糖時根本就是豆腐嘛,多少糖自己話事。或者可以兩溝,豆腐花配芝麻糊,都是較健怡的選擇。

 

20161110_sugar01

總結:

最高糖:楊枝甘露
次高糖:番薯糖水
健康之選:腐竹雞蛋糖水、豆腐花

 

天氣轉乾燥,與其出街買碗甜到漏的糖水,不如自家製少少甜的腐竹雞蛋糖水,又快又簡單 (起碼易過整豆腐花) ,一大鍋一家人分享,咁先係最sweet嘅食法!

 

圖片及資料來源:消委會 《選擇》月刊 480 期

 

Annie Lee
於醫學美容中心任職營養師主管多年,現為私人執業營養師,主要服務對象為家中三寶: 囡囡和一對龍鳳胎。其他工作包括:幫助人客體重管理、改善血糖、血脂、膽固醇、懷孕前後營養跟進等問題,為多個健康專欄分享營養資訊,以及舉辦健康講座。