小朋友都啱睇嘅免費演出「大‧小‧劇場」

Posted on October 20, 2016 By       11,128

20161019B

由於我同老公都好鍾意睇劇場表演,一對仔女滿六歲之後都成日趁假期同佢哋睇唔同嘅演出。最近就有好姊妹介紹,下星期二同星期三喺柴灣青年廣場有四場啱中、小學生睇嘅免費劇場大‧小‧劇場,仲有免費舞台格鬥、電子音樂製作等嘅工作坊可以報名參加添!

 

原來大‧小‧劇場係賽馬會社區表演藝術雙年展其中一個項目。雙年展由今年4月展開,為期8個月,三個項目分別係「藝‧花火」、大‧小‧劇場同埋大城‧小舞。今次嘅大‧小‧劇場由超過100位嚟自15間唔同學校嘅學生,以時下後生仔關注嘅社會題材作為靈感,包括有網絡欺凌、個人形象、社會壓力同埋科技等,結合唔同嘅劇場元素演繹一系列原創劇場作品。演出大約1個鐘20分鐘,同一套電影差唔多時間,仔仔女女都可以坐定定睇。

 

除咗有劇場演出,仲可以報名參加埋即日舉行嘅工作坊。工作坊大約長1個鐘,包括有舞台格鬥、 身體動作、 體驗劇場,同埋電子音樂製作。仔仔對舞台格鬥有興趣,女女就想報電子音樂製作。坊間其實比較少有呢類型嘅工作坊,我心諗如果我都可以報名就好啦……

 

「大‧小‧劇場」
日期:2016年10月25日及26日(星期二及三)
時間:下午4時 及 下午7時30分
地點:柴灣青年廣場Y劇場
費用: 費用全免,需網上報名www.hkyaf.com/LittleBigVoice

 

工作坊(舞台格鬥/ 身體動作/ 體驗劇場/電子音樂製作 
日期: 2016年10月25日(星期二)
時間: 下午2時30分至3時30分
日期: 2016年10月26日(星期三)
時間: 下午6時至7時
地點: 柴灣青年廣場6 樓多用途室
費用: 費用全免,需網上報名www.hkyaf.com/LittleBigVoice

20161019

好姊妹仲同我講,下個月舉行嘅大城‧小舞都可以帶埋一對仔女參加。大城‧小舞係賽馬會社區表演藝術雙年展嘅閉幕活動,當日會有舞台表演、創意工作坊、青年攝影師作品展覽,仲會放映「藝‧花火」同大‧小‧劇場嘅紀錄短片,當然唔少得壓軸表演-「亮燃心中希望」。聽講呢個「亮燃心中希望」匯聚咗幾百位本地社區唔同背景嘅人士一齊跳舞,希望透過舞蹈打破年齡同文化界限,親身體驗社區藝術嘅大愛!

 

「大城‧小舞」
日期: 2016年11月26日(星期六)
時間: 中午12時至下午4時
地點: 數碼港商場全天候廣場
費用: 費用全免,無需門票
活動詳情:www.hkyaf.com/CityDancing

 

 

資料提供:

profile

海倫娜

一位在藝術界工作的全職媽媽,喜歡參與不同的藝術活動包括舞蹈、音樂、戲劇、跨媒體藝術等,希望一對仔女都可以在藝術的世界裡找到自我。