【米都可以變甜品】米飯班「煮」齊齊整

Posted on June 22, 2016 By       3,842

resources

謝謝BK Milk邀請,今日我地放學之後轉戰PMQ,因為小小豬有個小任務,就係去跟 Andy哥哥學整RICE BURGER & RICE PUDDING,小小豬嘅大作都唔錯呀

 

其實我地今日依個任務係PMQ嚟緊「夏日微旅程 – 童行同感」入面其中一個環節 – 米飯班「煮」內嘅活動。小小豬要跟Andy哥哥學整RICE BURGER & RICE PUDDING,其實初時小小豬都問….米飯係一碗碗咁,點可以做食物呀?仲要做布甸,點可以呀?

 

哈哈哈…我想好多小朋友都係依個想法,所以PMQ就舉辦依個活動。等小朋友對我地平日最熟悉嘅食糧可以有更加了解,一齊聽聽米嘅來源、形態、配搭。同時又可以將米轉化成新奇小吃,原來米都可以用嚟做甜品呀!

 

我地今日主要目的地就係PMQ味道圖書館,圖書館都可以煮嘢食?係呀…因為依個係味道圖書館嘛

resources-(1)

聽負責人ANDY哥哥介紹,原來入面真係有好多唔同種類嘅圖書,總之同飲食有關嘅,都可以係入面搵到呀

resources-(3)

好啦…參觀完畢小小豬就開始變身小廚師,煮食前當然係要洗洗手先啦

resources-(4)

ANDY哥哥一早為小小豬預備好食物,可以開始煮啦!
先嚟煎個漢堡扒先,有ANDY耐心咁教,依隻豬仔又好似做得幾好,仲煎得唔錯哦(當然係ANDY哥哥嘅功勞啦)

resources-(5)

之後就整個米飽面,ANDY哥哥預先整好左一盆米飯,小小豬就係用個模型印個米飽面出嚟~

resources-(6)

然後就可以拎去煎啦~ 香口啲就可以加少少黑芝麻一齊煎~

resources-(7)

最後炒香小磨菇!就可以好似層層叠咁將食物放好,最後加埋沙律醬~

resources-(8)

小小豬牌嘅RICE BURGER完成啦,都算唔錯啦

resources-(10)

接住我地就整RICE PUDDING,其實一聽到係整PUDDING我都以為係凍食,原來佢嘅做法係同意大利飯係差唔多,只係將雞湯變成啲甜飲,又好似幾得意。

由於時間關係,前半段煲米飯一早已經準備好了

resources-(11)

小小豬就負責將好立克粉加入去,其實唔用好立克都可以,只係小小豬唔飲得朱古力,所以改用好立克

resources-(12)

resources-(13)

最後再加啲提子乾及玉桂粉調味

resources-(14)

攪拌好晒就可以食啦,小小豬等食等到好古惑咁哦~

resources-(15)

完成啦

resources-(16)

兩樣完成品都真係唔差,不過都係要ANDY哥哥好耐心咁教佢先得做到呀

resources-(17)

其實個味道真係唔錯,又估唔到平日我地食嘅米飯係可以有咁多變化,而且仲係一啲都唔難,真係連小朋友都可以做到呀(小小豬已ORDER左話要我再同佢整個RICE BURGER呀)!

除左米飯班「煮」活動之外,PMQ仲會以米、竹、田野及樹木為主題,帶領大家在社區或自然環境中觀察、感受、思考、味嚐,探索感官無限可能,啟發創意思考。

另外,6月26日下午2-5時會舉行「夏日微旅程」Open House,由主理4段旅程的嚮導為大家帶來免費體驗,PMQ更聯同智樂兒童遊樂協會(Playright),擺下多個遊樂空間,讓3-11歲小朋友享受玩遊戲的原始樂趣!

有興趣嘅朋友仔可以去官方網址睇詳細資料及報名參加: http://www.pmq.org.hk/event/a-sensory-voyage-2016/

KinseyMaMa
發掘新點子,製造優質親子時間。