【親子旅遊】屯門全新好去處 T · PARK

Posted on June 22, 2016 By       65,050

kim_1

由知道屯門T · PARK [源 · 區]將要開幕一剎那就一直很期待可以到來,

今日有機會獲邀來這裡優先參觀實在…「我心感興奮(去玩去癲),嚟T · PARK」

 

我哋幾個家庭集合咗之後就乘坐Shuttle Bus入T · PARK(老土爸首次用自拍神掍Selfie嘻嘻)

 

T · PARK位於屯門龍鼓灘再入D稔灣路的污泥處理廠(其實同下白泥一河之隔)

如果不是穿梭巴士真係只有自駕或的士UBER入到嚟!

 

 

沿途見到發電廠的大煙囱,希望有機會都嚟呢度參觀一下!

 

 

由荃灣到達這裡車程大概45分鐘(T · PARK穿梭巴士由Vcity開出大約30分鐘)

 

 

T · PARK [源 · 區] 充滿教育及休閒特色,主要分為[源 · 林]、[源 · 臺]、[源 · 景]、[源 · 廊]、[源 · 湖]、[源 · 泉]、[源 · 廳]、[源 · 點]、[源 · 館] 及 [源 · 茶]

這裡就是[源 · 林],由噴泉花園、悠閒花園、禪園、濕地花園和暖水足浴池組成,整個[源 · 區]綠化面積達70%

今日到步剛好噴泉沒有運作,而且也沒機會到戶外暖水足浴池感受一下

 

 

整個T · PARK [源 · 區]的設計都很獨特,與周邊自然環境融為一體,好識善用天然光,仲有綠化屋頂隔熱

 

 

入到去職員先為我們貼上名牌貼紙

 

他們很有心思的為每一個到訪者設計獨特的名牌

 

 

我已經感受到好Warm的招待(唔記得影自己個張~)

 

 

T · PARK的「T」原來代表Transformation,「轉廢為能」都係這裡的宗旨

職員哥哥同佢哋兩個介紹T · PARK的模型

 

 

我哋先進入[源 · 廳]觀賞影片介紹及了解今日下午的行程

[源 · 廳]就好似一個私人迷你影院

 

 

最初我跟哥哥預告今日去的地方,一聽見污泥處理廠就感覺不妙話唔想去,

依家你睇佢哋兩個幾安靜等侯哥哥講解T · PARK

 

 

職員先做了幾個簡單實驗讓我們知道咩叫「轉廢為能」,

原來我哋日常生活所忽略的,甚至沒用的(如PooPoo),都可以將它提升再造能源。

 

 

燈泡放到泥土中也可以亮起來

 

 

但係到最後一個實驗嘅時侯大家發現其實佢係一個魔術師

原來係大會精心安排給我們一個熱身開場,之後就有職員哥哥真正出嚟介紹同埋欣賞短片

然後開始導賞環節,我哋一家大細經過 [源 · 點] (這裡設有互動遊戲及休憩梳化)沿扶手樓梯上到[源 · 館]

 

 

嘩!上到嚟就已經俾呢個后海灣景吸晴去了

 

 

碰巧今日天氣十分好!真係想行出去逛逛

 

 

導賞開始,考驗職員哥哥控制小朋友秩序嘅能力喇!(唔該幫我兩個小朋友轉廢為能…講笑~)

 

 

「轉廢為能」過程 1.污泥接收>2.焚化>3.發電>4.煙道廢氣淨化處理>5.灰壗和殘餘物處

 

 

每一區介紹都有屏幕供點選睇影片介紹

 

 

嚟到第3個過程「焚化」,房間內設計模擬了焚化爐火紅紅的特色

 

 

一班小朋友坐低欣賞這個寬闊屏幕的影片介紹

 

 

經過渦輪機將焚化爐產生的蒸氣轉為電能

 

 

旁邊擺放了幾部大電視,畫面上的大海原來就是現場拍攝着的。

 

 

焚化爐採用了「流化床」技術,把廢物體積大減九成(真的嚇呆了)

 

真係大大減勁了堆田區的壓力!

 

 

小朋友好有秩序的跟着地上的黃色標記路線參觀。

 

 

離開 [源 · 館]後去到另一邊[源 · 廊]透過大玻璃參觀焚化爐及介紹過的廠房運作及設施營運。

 

 

行行吓見到幾個回收箱靚靚又影番張相先!

 

 

職員哥哥一邊介紹一邊發問問題,冇答過問題嘅芊芊唔知點解都有糖食!

 

 

相信呢個會係景點之一嘅污泥夾,堅1:1

 

 

小朋友睇落好留心聽緊哥哥講解,其實佢哋只當係遊樂設施,頭先一開始就想爬上去!哈~

 

 

穿過中央控制室(模擬版) 就見到巨大焚化爐啦!

 

 

導賞完結後,大會安排了一個茶點時間俾大家可以休息一下充充電「轉食為能」

 

我哋搭升降機上到[源 · 景],呢度展示一系列嘅環保傢具,呢個車軚櫈小朋友推多過坐!

 

 

流哂口水呀!多謝大會準備的曲奇/蛋榚,仲有蘋果/橙汁。

 

 

 

仲送俾每個家庭一套木杯墊作紀念品。

 

 

芊芊食完再食!真係High Tea咁嘅樣!

 

 

[源 · 景]除咗開場時出現過的魔術師再一次表現之外,

今日仲邀請了香港盲人輔導會的義工來教我們做一個環保盆栽勞作。

 

 

哥哥很用心的捲紙,芊芊就好用心的…繼續食曲奇。

 

 

最後一眾小朋友拎住自己作品同義工姐姐們合照。

 

 

 

在 [源 · 景] 望出這個后海灣加上T · PARK [源 · 區]的屋頂更加壯觀!

 

 

義工姐姐Judy仲送咗佢親手造的環保盆栽給我們,結果我哋有3盆!

 

 

最後終於嚟到主菜啦!就係T · SPA[源 · 泉],男女共浴!嘩正~

 

 

泉區分為3個水療池,全部由焚化過程中產生的熱力加熱或冷卻水溫。

 

 

左邊為0.9米深16度的冷水池。

 

 

中間為1.2米深36度大池。

 

 

最右邊同樣為0.9米深26度的暖水池。

 

 

同咗哥哥講呢個係SPA,係浸並唔係游!但係佢都已經當咗泳池咁游,失禮死人!

 

 

兩個玩到好興奮(番到屋企仲要落會所泳池Encore…) 呢個父親節真係「苦親節」講笑啫!

點辛苦都OK只要你兩兄妹生性就得喇!

 

 

「今日我真係學到好多嘢!」又食又拎又玩又嘆!

不過[源 · 臺]、[源 · 湖] 及 [源 · 茶]都仲未去,希望6月29日正式開幕再參觀埋啦!

現時只接受預約申請,個人預約需於一個月入紙申請,團體則半年內可預約!

 

 

不過現時已有過萬人申請了,所以相信大家想申請都有D難度!

注意:【呀劍萬帥】已經成功申請成團

想跟我去體驗T · PARK [源 · 區],快D報名親子團,同埋留意專頁公佈詳情啦!

 

http://goo.gl/forms/CNZMEPoMIWkouK8o2

Photo by CANON 5D Mark III, Len | EF 24-70mm f2.8L USM

呀劍評分: 10分

 

呀劍評語: 一個又好玩又多嘢學嘅地方,必定係假日親子好去處!最緊要係免費入場!

 

T · PARK [源 · 區] 簡介

T · PARK [源 · 區] 標誌著政府為了社會利益而致力實踐香港「轉廢為能」策略的決心。這座污泥處理設施更展現一個願景,為積極鼓勵並提升市民對廢物管理、資源回收和循環再用建立正面態度。T · PARK [源 · 區] 不僅是一座污泥處理廠,透過其休閒和教育設施,它更是一個學習和體驗香港綠色文化的地方。

 

地址
屯門曾咀稔灣路

 

開放時間
星期一、星期三至日 上午 10 時至下午 7 時

 

交通
乘專用穿梭巴士

 

聯絡電話
2910 9700

 

網址
www.tpark.hk

 

電郵
[email protected]

 

費用:
全免

(以上資料更新至文章當日)

kimfamilytravel
我不是甚麼旅遊達人,我寫的也不夠全面,只希望記下太太跟小朋友的點點滴滴,藉此也可跟大家分享些心得!