自家廚房:龍脷葉石黃皮青欖止咳湯

Posted on April 20, 2016 By       10,985

IMG_3031

繼老公咳左幾日之後,終於輪到我了,由於我都係初起,所以就打算去買材料煲止咳湯食,希望可以湯到病除。

原本都只係打算煲之前都有成效嘅青欖桔餅湯,不過雜貨店店主教我加埋龍脷葉及石黃皮一齊煲,效用會更加好,見啲材料又唔貴,所以就一試啦~

基本上大部分材料都可以係濕貨店或山草藥店有售,有部分街市花檔都會可以買到,所以都唔難買呀!

材料就有瘦肉約$40、龍脷葉一両、石黃皮十粒、青欖十粒、桔餅2個、果皮1塊、南北杏少許

7

桔餅切碎,青欖及石黃皮要用刀背拍一拍,等可以係煲時更加出味

6

龍脷葉及南北杏洗淨,果皮浸軟刮囊,豬肉汆水備用

5

煲內加入約3.5L水,然後加入先果皮

4

待水滾後將所有材料加入

3

水滾後,加蓋轉小火煲1.5小時

IMG_3000

最後加少少鹽調味,就飲得啦IMG_3031

味道就帶點甘甘甜甜,比起只落青欖桔餅,就多左一份龍脷葉嘅味道,所以都尚算唔錯。

止咳功效又如何呢?學老公話…你估係先丹,一飲就可以止咳。不過我即晚都飲左三大碗(咁又真係幾好飲嘛),咳就都仍然係有,不過飲完又真係嚨喉舒服左,起碼減少了痕痕癢癢的感覺。

其實我今次都係買左兩份材料,等我過左幾日再煲多次,希望可以完全止咳啦….因為我真係勁唔鐘意飲黑卒卒嘅咳藥水呀了!

KinseyMaMa
一切以小小豬為中心,讓小小豬擁有一個快樂的童年為目標。同隻百厭豬一齊整嘢食又周圍去玩, 記錄我們這一家嘅生活傻事,讓大家可以陪同小小豬一起成長。