只想老公幫手影張溫韾母女照,點解都咁難?

Posted on March 23, 2016 By       6,213

20160322_PHOTO

唔知有幾多個媽媽好似我咁,極度之恨有大量同BB的溫韾、慈母照呢?

 

我本身好鍾意影相,以前未生悠悠B之前,電話入面最多的相除了是極度自戀的自拍照之外,就是一堆美食相、影天空的雜相。

 

生完之後,瘋狂指數可以話係進入走火入魔的情況。電話入面,每一日影的相數以百計……入面同悠悠的合照,永遠就只有自拍。有時,要求老公幫我影,佢又好似覺得我麻鬼煩,亦影唔到我要的效果,成日影到我又肥又矮、頭大身細……有次仲衰!影到我成個大媽咁,仲放上Facebook tag我!喂!唔該你去報返個course,改進一下拍攝技巧!有時,我好想有D好自然的溫韾親子合照……佢永遠唔會幫我影,就算我開聲,佢都係hea我!

 

但係佢就勁多同悠悠嘅溫韾互動照!真係諗起都嬲嬲地!直情係呷醋到著燈,唔係因為想影阿女,真係唔鬼幫佢哋影呀!有時,我鬥氣唔影,老公仲嗌我幫佢影!

 

我諗,咁耐以來,我同悠悠的溫情、自然得來又真情流露的照片,都只係得三張!仲要三張都係拎住奶樽餵奶中……仲要這幾張相,唔係我老公影!我老公會覺得,食奶都好影?日日都食奶,影來做乜?但以一個媽媽來講,呢一個moment係好溫韾甜蜜,同埋餵奶可以餵幾多年?頂到盡餵2至3年咋……應該錯,因為悠悠再大點識自己拎奶樽,已經唔駛媽媽抱住餵奶架啦,咁……你話係咪好珍貴?

 

總結:一個識影相、鍾意影相的老公,其實都好緊要!

 

Momo
一直不喜歡小孩的我,突然有一天我很想和老公擁有屬於自己的寶寶。半年內,我便有了屬於自己跟老公的小寶貝。從懷孕到寶寶誕生,這段時間改變了我很多!從不喜歡,去到很喜歡,每天都用心去愛孩子及家人。藉此分享懷孕、育兒心得。