自家廚房:西洋菜蜜

Posted on February 10, 2016 By       4,603

resources (18)

今日又學人煲新嘢,依個亦都可以話係有啲童年回憶嘅飲品,就係西洋菜蜜啦

我記得細細個冬天嘅時候,屋企都總會有一支支嘅即沖西洋菜蜜,咁就隨時有好味又滋潤嘅甜飲。不過,依家都好似冇得買依啲沖劑,所以整整下我都忙記左有依款飲品了。

 

尋日去茶餐廳時,聽到有其他食客談論依款飲品,所以我挑起點點回憶,就係咁….我就上網睇下邊度仲有得買。買就真係好似已經絕跡左,但原來都有網友仔介紹過點樣自己煲,所以我又試下買材料煲下啦!

 

西洋菜一斤、蜜棗六粒、冰糖適量

resources

將西洋菜剪開兩段,然後加少許鹽浸洗30分鐘。同時間蜜棗都要洗好備用

resources (1)

鍋內放至1L水,然後加入西洋菜及蜜棗,然後開爐火

resources (2)

水滾後將冰糖加入,然後中火煲45分鐘

resources (3)

最後焗多15分鐘,隔晒啲茶渣之後就可以飲得啦。

啲西洋菜渣都唔好浪費,因為都可以食呀,甜甜地都幾好食呀,我一個人都食左大半碗呢….哈哈哈

resources (4)

真係唔講得少,好香濃嘅西洋菜味又甜甜地,飲完喉嚨都冇左嗰乾乾地嘅感覺,好滋潤呢

resources (6)

出奇地小小豬超愛飲依款西洋菜蜜,一口氣飲晒一大杯,仲會主動要求要飲添,真係估佢唔到(好少可咁主動哦)。

咁簡單又易煲,最重要係小小豬咁鐘意,等我蜜蜜煲…潤多啲先得!

KinseyMaMa
一切以小小豬為中心,讓小小豬擁有一個快樂的童年為目標。同隻百厭豬一齊整嘢食又周圍去玩, 記錄我們這一家嘅生活傻事,讓大家可以陪同小小豬一起成長。