M記溜冰樂主題Party

Posted on October 28, 2015 By       3,189

Group Pic

應小小米的同學邀請,又要出發遊玩啦,今次嘅目的地係九龍灣Megabox。

 

呢個Party係麥當勞舉辦嘅,呢間麥當勞每個月都會舉辦不同主題的活動。今次呢個Party包括每人一份麥當勞早餐,一份小禮物,同一節約半小時的溜冰課。

Gifts1

 

吃過早餐,「麥姐姐」帶我哋上位於10樓的溜冰場。之前我已經帶小小米嚟過好幾次觀賞冰球比賽,所以十分興奮。

 

不久,大家已經換好鞋,小小米由於上年已經稍稍學過溜冰,所以已經周圍走,佢等呢日已經等咗成年啦!

Skating 1

 

我哋去到場邊,有好幾位哥哥幫忙帶小朋友到學習區。在學習區內,有給小朋友坐的小膠椅和可以扶著走路的架子,小朋友們紛紛變成論盡小企鵝,十分搞笑。家長們如果不懂溜冰,不要緊,場內有膠釘鞋可借,套上便可進場照顧小朋友。

Skating 2

 

半小時的課當過後,已經11點半,大家都像意猶未盡,唔緊要,呢個party係下午1點才完結,即表示大家可以玩到1點才離開,大家又雀躍起來。

 

草草吃過午餐,大家又活躍起來,一行人於是出發九龍公園遊樂場,繼續下半場。

 

當小朋友在遊樂場繼續放電時,家長們終於可以坐下來休息一下,直至黃昏,才依依不捨地回家。

 

小米
自己是一名大孩子,又育有一名兒子,更幫助其他家庭照顧他們的子女,偶而義務到學校講故事,並於學校座談會分享育兒經驗。