【親子旅遊】「隱世」岩石系公園

Posted on October 8, 2015 By       4,785

kim_1

康文署轄下其實有上百個公共公園

但係好多時都唔係就近巿區(因為最靚嘅地都賣哂俾地產商)

用我哋納稅人嘅錢起嘅公園就唔講你都唔知道

今次等我帶大家睇吓呢個位於觀塘區的岩石系公園!

 

搭綠Van到彩福邨總站落車就會見到一楝好高嘅電梯

岩石公園就喺上面!芊芊即刻跑去撳

 

kim_2

 

今日下晝都幾曬,當我哋一入去電梯度即刻嘩一聲!

因為裡面個冷氣好夠凍,So Nice!

 

一出就係一條木橋,2個小朋友即刻跑跑跑去前面嘅公園。

 

咩都見唔到,剩係見到前面呢個咁特別嘅遊樂設施,

我都覺得呢個遊樂設施好唔簡單,真係有設計!

 

kim_3

 

妹妹最鍾意玩單槓!

哥哥就爬嚟爬去超開心

當然呢度咁偏僻就梗係一個人都冇啦

呢度可能個地勢真係好高,所以好好風好舒服!

 

呢度個繩網都係不規則有弧度

我好鍾意呢個設計!

kim_4

 

哥哥唔該你喺度爬夠佢,番到屋企唔好再爬床

kim_5

 

喺呢度你會發現多一楝好高嘅電梯,

你可以選擇行樓梯行上去都得㗎。

 

kim_6


kim_7

 

可惜呢度好多嘢都唔俾,

唔俾帶狗,唔俾踩單車…

呢度都有俾老人家做運動嘅設施。

kim_8

 

附近亦設有d岩石嘅介紹同資料!

kim_9

 

呢個遊樂場寫住話只適合12歲以下小朋友玩。

 

跟住我同佢哋上去睇吓第二層係咩嚟㗎先。

 

嘩原來上到嚟望番落去都好壯觀!

真係要讚多次設計師設計得呢個公園好靚。

kim_10

 

第二層冇咩特別,只係有個太極園有埋好多休憩區

望去左手邊就係一大座礦石山,

行到過嚟呢度再向下影番張相,

睇到唔同角度既公園。

 

佢哋兩個望番落去大聲嗌媽咪!

媽咪驚曬已經匿埋咗。

kim_11

 

呢度仲有唔同嘅岩石大大細細唔同顏色,

可以俾小朋友親手去摸吓唔同種類嘅石頭!

 

kim_12

 

之後都係落番嚟玩(其實同芊芊已經上下搭咗好幾次)

當嘆吓冷氣!HEEEE…

哥哥就喺度識到個朋友仔,呢個小朋友好得意,

佢住喺附近,話媽咪喺上層度跑緊步,自己就落咗嚟玩!

佢同我講佢話自己一唔開心就會落嚟呢個公園玩。

 

呢個鐵架好特別,係可以轉動㗎!

kim_13

kim_14

 

大家可以放心呢度係有洗手間嘅!

 

kim_15

 

廁所裡面一樣係有岩石

對爆石嘅人嚟講都幾Fit!

 

洗手間對出有間房好似有部好大嘅機器喺裡面,

其實呢個係展示的廁所污水作沖廁水循環系統 (Grey Water System)。

除咗呢度、佐敦谷公園和埋彩禧路公園都採用此系統。

圖中介紹點樣一個又一個嘅步驟唔知同岩石有冇關呢?

kim_16

 

最後喺梅花樁度玩多一陣我哋就拜拜呢個公園lu…

kim_17

 

玩玩吓變咗喺度執草!

 

kim_18

 

Photo by CANON 5D Mark III, Len | EF 24-70mm f/2.8L IS II USM

 

呀劍評分: 7

 

呀劍評語: 以普通屋邨遊樂場嚟講都唔算差架啦! 始終巿區好難可以好似新界地方咁! 如果可以多番D飲水機之類配套設施及洗手間會比較好!

 

觀塘 彩榮路岩石系公園 簡介
彩榮路公園就在平山彩霞邨對開山上,前身是平山石礦場。2001年,香港政府決定將位於九龍觀塘區平山已經停止運作26年的平山石礦場地段發展,將此地由一個由廢棄石礦場改造而成為社區公園!而且以岩石公園為主題,教育大眾地理的知識。

 

地址
彩榮路 88 號

 

開放時間
24小時

 

費用
免費入場

 

交通
專線小巴 83A 由彩虹站坪石到總站彩福邨 (彩榮路公園)

 

(以上資料更新至文章當日)

 

kimfamilytravel
我不是甚麼旅遊達人,我寫的也不夠全面,只希望記下太太跟小朋友的點點滴滴,藉此也可跟大家分享些心得!