【親子旅遊】嘉道理農場暨植物園

Posted on July 29, 2015 By       8,274

kim_0729_1

今日同我前世情人拍住拖去嘉道理農場,因為近近地天氣又好! (不過太好,熱死人)

哥哥就同媽咪留喺屋企畫畫做功課!

 

我哋喺元朗搭64K去到嘉道理農場落車,

今日帶咗好耐冇出動既BB車,

在巴士上既乘客好好人,見我抱住芊芊,又要搬架BB車,

所以幫我手搬架BB車落去,一放芊芊落BB車,佢就醒咗,

行番上少少經過安全島行過去對面就是了,

可能今日真係太熱,所以農場好少人。

 

我差唔多12:00到,完全唔駛排隊!

成人1位$30,呀芊唔駛錢!

呢度有觀光巴士,如果大家唔想行的話可以俾錢搭巴士遊覽。

因為天氣太熱的關係. 我哋入場之後就去咗小食亭(素食亭),

我哋叫咗杯豆漿飲,$17有D貴,

聲稱無糖豆漿,飲落都還OK,唔會好似外面買的無糖豆漿超難飲。

 

芊芊雙手拎起大大杯既豆漿,飲得好滋味!

跟住嚟個招版笑容! 帶點蠱惑。

 

kim_0729_2

 

素食亭外吊住好多個唔同大細既松果,

旁邊見到有棵植物,唔知橙色個D係果實定咩咩嘢,

芊芊拎起樹枝就篤落去,

仲叫我去聞吓佢…

 

kim_0729_3

 

好啦,飲完杯豆漿,個人涼番少少…

準備去親親大自然啦。

 

沿路見到有朋友喺度寫生,

咁曬我就真係畫唔到喇。

 

kim_0729_4

 

沿路行上去會有洗手間,大家要去就依家好去喇,

如果唔係上到去要到昆蟲館先會有厠所。

 

kim_0729_5

 

嚟到爬行動物觀賞台,次次嚟親呢度都睇唔到嘢,

今日真係人好少,所有動物都出番哂嚟,仲好近tim!

 

咁大條蜥蝪,起初我以為係鱷魚,

芊芊以為係恐龍!

 

另一條爬咗上陸地!

 

kim_0729_6

 

跟住佢就爬咗入去個桶度,唔知係咪裡面放咗嘢食。

 

再行上條大約20級的樓梯,就到農場小賣店,

裡面賣的有書,有天然產品及飲品。

 

kim_0729_7

 

因為太熱,連寫緊Blog 都仲記得呢一日既熱!

我買咗包椰青水飲,OK喎,$10一包,好清涼好好飲,

即係圖中右手邊上面數落嚟第三及四排。

 

kim_0729_8

 

芊芊拎埋購物籃當自己喺百佳Shopping…

小賣店裡面仲有D地方介紹農場,長櫈就得2-3張,所以冇咩位坐,

不過都係志在入嚟涼吓冷氣。

 

kim_0729_9

 

kim_0729_10

 

你睇吓幾曬,芊芊都熱到話要擔傘呀!

 

kim_0729_11

 

在小賣店隔離就係大肥豬既地方,原來呢度六隻大肥豬都有名,佢哋三公三乸。

我哋以前嚟一係好多人圍哂喺前面逼唔到近d睇,一係就d豬入哂去瞓覺,

今次又冇人又多豬,仲有咁啱係佢哋開餐既時侯。

我問芊芊佢哋係咩呢,你哋估呀芊點答?

 

kim_0729_12

 

睇完大豬之後我哋就落斜路入去屋裡面避一避暑!

裡面有冷氣有大風扇,可以順便抖一抖。

 

kim_0729_13

 

一入到去我哋就見到鹿啦!

起初佢瞓緊覺,匿埋咗係樹蔭下底,

跟住隔咗陣,我哋再等一等,就見到佢起身,

仲向住我哋呢邊行過嚟,真係好興奮!

 

kim_0729_14

 

呢個角度睇佢好似隻牛,又好似隻狗仔!

 

kim_0729_15

 

繼續向前行見到幅壁畫又真係畫得幾靚!

 

kim_0729_16

 

跟住我哋行到中間,見到蝙蝠呀!以前我哋嚟咁多次都好難睇到佢哋,

今次因為冇咩人逼住,所以睇得好清楚!

 

芊芊跑過嚟話我知…

有隻超大既野豬!

 

kim_0729_17

 

真係唔捨得離開間屋,因為實在太熱!

所以我哋即刻又去到另外一間屋,

不過今次冇冷氣!係~溫~室~

 

兩邊門口都棟咗呢兩塊大木牌!

 

kim_0729_18

 

仍然係一個人都冇!

 

kim_0729_19

 

我唔知係呀芊自己搣斷咗條辣椒定係佢喺地下執!

如果係佢搣,嘉道理希望你原諒佢,細路女唔識世界。

 

kim_0729_20

 

中間有D木枱木櫈喺度俾人休息,

但係咁熱真係快d離開呢度好過!

 

kim_0729_21

 

早過農場收檔時間!下午四點關門。

 

跟住我哋向山上進發,首先梗係見到好靚靚既Famingo

幾乎次次見到佢哋都係單腳瞓緊覺!

 

kim_0729_22

 

哎吔,跟住見到條好大既鱷魚呀,

佢應該係瞓緊覺!但係佢對眼都唔合埋既,好驚囉!

 

感覺佢好似太肥!定係佢啱啱食咗隻龜落肚

 

kim_0729_23

 

再行高d我哋見到鸚鵡呀,不過佢哋唔叫又唔飛!

 

kim_0729_24

 

佢哋對面個鄰居就唔同,好嘈咁歡迎我哋探佢。

 

kim_0729_25

 

之後嚟到爬蟲館,都係諗住入嚟嘆陣冷氣咋!

裡面有好多標本同埋講吓蟻既歷史!

 

如果真係有咁大隻蟻真係嚇死我!

 

kim_0729_26

 

成個館應該得呢缸嘢裡面既昆蟲係真,佢真係似塊枯葉!

去到爬蟲館呢對面有其他雀鳥同埋又有一隻鹿喺度!

 

kim_0729_27

 

kim_0729_28

 

唔係好明點解要將呢幾雀仔同隻鹿放埋一齊?

最後終於行到最高呢個地方啦!有貓頭鷹睇呀。

 

kim_0729_29

 

乜貓頭鷹唔係日頭瞓覺架咩?

睇嚟我下次再嚟一定要參加導賞!

 

kim_0729_30

 

kim_0729_31

 

轉個彎就落山,沿途會見到個大雞場!

不停有雞叫…我以為太陽出嚟佢哋先會嗌。

落到山腳,差唔多近小賣店,有其他雀鳥同埋爬行動物屋!

裡面太黑影唔到!都係d蛇同蛙既標本多!

 

呢度係豹貓既屋企,但係今日我點搵都搵唔到佢哋!

 

kim_0729_32

 

最後落番去藝舍坐吓!

點知今日冇開,冇得入去涼冷氣tim!

 

藝舍上面有個靚靚小型荷花池

 

kim_0729_33

 

最後我同芊芊番去小賣店休息吓,同埋餵芊芊食飯,旅程就結束啦!

 

Photo by CANON 5D Mark III,Len | EF 24-70mm f/2.8L II USM

 

呀劍評分: 8

 

呀劍評語嚟過幾次,今日最開心,因為人少! 同埋見到好多動物,仲好近!! 不過老實講,我覺得比起以前少咗好多動物,我覺得農場要再增加多點設施及動物,如果唔係好難會吸引人再嚟!

 

嘉道理農場 簡介

嘉道理農場暨植物園於1956年成立,當年的目標是向貧苦農民提供農業輔助,幫助他們自力更生。從1960年起,透過植林、樹林的自然生長和防治山火的工作,本園已轉變成主題植物園。從前一片貧瘠的灌木林,現在已變成茂盛的樹林,供遊人參觀及欣賞。

 

地址

新界大埔林錦公路

 

開放時間

09:30-17:00

請注意下午 4 時後,本園謝絕遊客入場。

 

休園日

http://www.kfbg.org/chi/farm-closing-days.aspx

 

乘搭公共交通工具

乘搭東鐵/巴士

於大埔墟或太和站下車,轉乘64K巴士往元朗西方向,約20-25分鐘到達一段大斜路最頂處,於嘉道理農場暨植物園門前的巴士站下車。
乘搭西鐵/巴士

於錦上路站下車,轉乘64K巴士往大埔方向,約15分鐘到達一段大斜路最頂處,於嘉道理農場暨植物園的巴士站下車。
乘搭巴士

選乘行走大埔至元朗西的64K巴士,於嘉道理農場暨植物園的巴士站下車。

 

駕車前往本園

駕車前往本園 由九龍/沙田經吐露港公路前往

駕車出獅子山隧道或大老山隧道後沿吐露港公路,駛往粉嶺方向。至大埔北在康樂園迴旋處轉左入林錦公路,再駛約10分鐘便到達一段大斜路,上斜方向更由單線變為雙線行車。嘉道理農場暨植物園的停車場入口就位於近斜路頂的左方。
由上水/粉嶺前往

沿粉嶺公路駛至石崗/康樂園出口,於康樂園迴旋處第二個出口轉左入林錦公路,再駛約10分鐘便到達一段大斜路,上斜方向更由單線變為雙線行車。嘉道理農場暨植物園的停車場入口就位於近斜路頂的左方。
由九龍經大欖隧道(3號幹線)前往

駕車出大欖隧道後靠左駛至八鄉出口(收費亭後第一個出口),轉入八鄉路,再前駛幾分鐘於錦上路交匯處轉右,一直前駛至林錦公路交匯處,轉右入林錦公路,至石崗迴旋處出口轉入林錦公路(往大埔方向),前方為一段大斜路,再駛約5分鐘,嘉道理農場暨植物園就位於近斜路頂的右方。
由荃灣(荃錦公路)前往

沿荃錦公路一直駛至石崗迴旋處,由出口轉入林錦公路(往大埔方向),前方為一段大斜路,再駛約5分鐘,嘉道理農場暨植物園就位於近斜路頂的右方。
由元朗前往

沿錦田公路駛往八鄉方向,至石崗迴旋處,由出口轉入林錦公路(往大埔方向),前方為一段大斜路,再駛約5分鐘,嘉道理農場暨植物園就位於近斜路頂的右方。

 

電話

2483 7200

 

網址

www.kfbg.org/

 

(以上資料更新至文章當日)

 

kimfamilytravel
我不是甚麼旅遊達人,我寫的也不夠全面,只希望記下太太跟小朋友的點點滴滴,藉此也可跟大家分享些心得!