自家廚房:象仔燜燒杯@雪梨乾南北杏蜜棗茶

Posted on April 15, 2015 By       10,837

resources-(16)

前幾日睇某個電視節目,教我地焗啲花果養生茶,其中有一款係對咳嗽好有幫助。依排轉天氣我啲咳都仲未清晒,所以就買啲材料,用象仔杯又試下整雪梨乾南北杏蜜棗茶啦。

 

材料只需要三樣加一隻象仔杯,我用左二片雪梨乾、少少南北杏及半粒蜜棗。

resources

雪梨乾及南北杏略浸洗。

resources-(1)

 

蜜棗浸軟及去核切絲(原食譜係用一整粒蜜棗,不過我怕太甜,所以只用半粒)。

resources-(2)

 

將所所有材料放入象仔杯內,然後加水。

resources-(3)

 

原本係話焗半小時,不過我諗住等佢出味啲,所以焗左差唔多一小時。

resources-(4)

 

飲得啦。

resources-(5)

 

估唔到個味道又幾好飲,清清甜甜唔錯呀!飲完一杯之後,可以反覆沖泡飲至味精變淡為止。我用依個分量飲左一個上午,都可以話KEEP到四杯左右呀!

resources-(6)

 

之前我都用過唔同材料嚟煲雪梨茶,每一次都係用新鮮嘅,雪梨乾都係第一次用。原來雪梨乾都係一樣可以潤肺、化痰、止渴,而且雪梨乾經過烤焗過程,所以就潤而不寒。
用雪梨乾嚟焗茶飲用,簡單少少材料及一隻保溫杯就得,真係既方便又簡單,非常啱各位靚靚上班一族,返工時飲水飲到悶可以焗杯嚟飲,好過成日飲啲唔健康嘅飲品嘛!

 

KinseyMaMa
一切以小小豬為中心,讓小小豬擁有一個快樂的童年為目標。同隻百厭豬一齊整嘢食又周圍去玩, 記錄我們這一家嘅生活傻事,讓大家可以陪同小小豬一起成長。