小小豬的7-Eleven車仔收藏!

Posted on February 4, 2015 By       3,749

resources-(11)

第一期7-Eleven嘅車仔已經換齊晒啦!!小小豬玩玩下啲車仔時,將啲車仔就排晒隊,然後叫我幫佢同啲車仔一齊影相。見佢好少咁主動,所以就順下佢意影返張啦!

 

其實7-Eleven啲儲印花換公仔活動一直都有,不過都係第一次咁出行全家力量去換印花,原因….當然係因為小小豬啦!

resources-(10)

事緣有一次同小小豬去7-Eleven,小小豬見到嗰一SET花車展品就同我講話好靚,仲問我可唔可以買返屋企。嗰一刻我就同佢講話係要儲印花先可以換到,咁小小豬就話佢要儲印花換MICKEY。

 

開頭都只係打算換幾隻俾小小豬,點知…換吓換吓,各位家庭成員又忍受不住小小豬WHATSAPP發功拎印花,最後就用印花換左依幾隻啦!

resources

 

仲有兩隻聖誕特別版,不過原來只係擺設唔係車仔嚟,有少少失望添!

resources-(1)

 

依三隻係朋友仔轉贈嘅。

resources-(2)

 

仲有兩隻係屋企附近嘅格仔店買,每一隻都係$40,見好似幾抵買,當然唔洗諗即刻買啦。

resources-(3)

 

哈哈哈….依套車仔除左係小小豬嘅車隊之外,仲係小小豬嘅拍攝對象,睇小小豬真係好認真同佢地影相呀。

resources-(4)
resources-(5)
resources-(7)
resources-(6)

 

小小豬啲作品都算見得下人呀!

resources-(8)
resources-(9)

 

之後仲話佢地係學生,小小豬話自己係老師,同佢地講故事呀!

resources-(11)

 

坦白講,如果要計整套車仔嘅花費都真係幾貴,好在各位家庭成員幫助等我可以減輕不少。不過其實見小小豬咁鐘意,又有咁多玩法,所以都算啦,滿足一下小小豬啦(慶幸7-Eleven都唔係成日出迪士尼公仔精品,如果唔係我就真係大破產啦!)嚟緊又開始換第二期,今次仲慘…因為有小小豬愛嘅大眼同毛毛,所以又要開始努力啦!

 

KinseyMaMa
一切以小小豬為中心,讓小小豬擁有一個快樂的童年為目標。同隻百厭豬一齊整嘢食又周圍去玩, 記錄我們這一家嘅生活傻事,讓大家可以陪同小小豬一起成長。