初到IKEA兒童樂園

Posted on January 14, 2015 By       14,861

resources-(12)

MegaBox入面嘅IKEA有個唔錯嘅兒童樂園,小朋友可以入去玩,爸爸媽媽就可以輕鬆咁睇傢俱。

 

其實呢個好玩地方都開咗有一大段時間,成日都好想帶小小豬入去玩返轉,不過次次都人山人海冇機會玩到,今日終於係冇預期之下,小小豬可以入去玩個飽啦!

 

食完晚餐行過IKEA嘅兒童樂園,見到人流唔太多,所以就八卦行過去睇吓仲有冇位。

resources

 

出奇地今日真係冇乜人,當然即刻去拎完張籌先啦!拎埋張入場表格填!

resources-(2)

 

之後我地行一轉IKEA,就可以入去玩啦!

 

雖然小小豬都係第一次入去玩,不過之前經過都有係啲窗口位望過入去,所以根本上佢都知道入面有咩玩。所以今次一入去,小小豬當然係直接衝去波波池啦!

resources-(3)
resources-(4)
resources-(5)

見小小豬係入面玩得咁開心,我就同大肥豬繼續行IKEA。行左十五分鐘再返嚟望吓隻爛玩豬。點知唔見咗佢,原來小小豬已經改左地頭,行左出去玩佢呢期勁鐘意嘅火車呀!

 

一有車玩佢就變得沉迷了,所以之後啲時間全程都玩火車!

resources-(8)resources-(7)

 

其實除左波波池同火車之外,入面仲有煮飯仔,同有啲珠珠遊戲,所以種類都幾多,男仔女仔都一樣啱呀!

resources-(10)

 

話咁快四十五分鐘就到,小朋友們就可以著鞋仔等家長接啦!

resources-(11)

 

因為到咗可以接小朋友時間,大肥豬爸爸去左洗手間,我就諗住先去接小小豬先。因為我冇接小朋友回條,就連小小豬係入面不停叫「媽咪…媽咪」,負責姐姐都唔俾我接,最後都係要等大肥豬嚟到,出示張回條先可以帶小小豬走啦!

resources-(13)

 

哈哈哈…呢樣要讚一讚,認紙唔認人做法真係唔錯,真令人好放心交低小朋友入去玩呀!

 

呢個百厭小小豬係入面玩得不知幾開心,一行出嚟就問我幾時可以再嚟玩,真係俾佢笑死。

 

可能因為係免費關係,平日我地星期六日嚟睇都話要等四個鐘先可以入去玩,今日我地都算係好好彩,所以都唔敢講定幾時可以再嚟,只可以同小小豬講:等下一次好運日,我地就可以再嚟玩啦!

 

KinseyMaMa
發掘新點子,製造優質親子時間。