親子廚房:利賓納蒟蒻椰果凍

Posted on October 1, 2014 By       4,286

resources-(27)

小小豬廚房又開工,今日我地整左款新甜品,就係利賓納蒟蒻椰果凍!
係FB見有朋友仔整呢個新甜品,見個做法都好簡單,加上之前成日都係整啫喱,都想換吓個口味,所以就買整材料開工啦!

resources

 

先準備蒟蒻粉38g!

resources-(1)

 

720ml嘅熱水!

resources-(2)

 

將熱水加入蒟蒻粉粉攪均直至溶晒!

resources-(3)resources-(4)

 

要將180ml利賓納加入蒟蒻水內攪均!

resources-(6)

 

朋友嘅食譜係加入啲荔枝肉粒,不過因為小小豬唔鐘意食荔枝,所以我就改加啲椰果。之前見朋友仔買過啲星星椰果覺得好得意,剛好今次超越市場又做特價,所以又買罐嚟整啦!

resources-(8)

 

將啲星星椰果效入杯內!

resources-(9)

 

然後再加入埋利賓納蒟蒻水!

resources-(11)

 

其實我都好鐘意呢兩個步驟,真係可以好好訓練小小豬嘅專注力同手眼協調。因為我會請小小豬放12粒星星椰果落杯內,加上新買杯嘅杯口又比較細,所以真係要好專心咁先可以係唔漏嘅情況下倒滿。

 

係小小豬都好努力下,倒漏嘅情況都唔算好利害,所以完仍左六杯,可以放入雪櫃啦!

resources-(13)

 

雪左大約四小時,今晚去完街街之後,返到屋企就有好味甜品食啦!

resources-(14)

 

蒟蒻感覺上同啫喱嘅分別唔大,不過食落係有少少唔同,因為蒟蒻口感係比較煙韌啲呀!

resources-(15)

 

小小豬都食得好滋味哦,當然啦…因為佢係一名為食豬嚟嘛!

resources-(16)

 

第一次整蒟蒻果凍,我就覺得個口感同味道都唔錯。大肥豬就覺得都淡左少少,不過俾小小豬食嘅就唔可以咁甜嘛,所以呢個味道就啱啱好啦!

KinseyMaMa
一切以小小豬為中心,讓小小豬擁有一個快樂的童年為目標。同隻百厭豬一齊整嘢食又周圍去玩, 記錄我們這一家嘅生活傻事,讓大家可以陪同小小豬一起成長。