鱷魚先生生病了

Posted on July 30, 2014 By       2,717

Kinseymain

嘩哈哈!小小豬發生咩事,做乜咁緊張呀!?

 

哈哈哈,之唔係同鱷魚先生玩緊遊戲囉!

 

早喺幾個月前我哋都覺得小小豬好似有選擇恐懼,每一次畀多個一個選擇時,佢都一定做唔到,有時仲會忟憎起上嚟。為咗訓練佢呢一方面,大肥豬爸爸就買咗呢個按鱷魚牙齒玩具,等佢可以練習選擇之餘,仲練吓佢個膽(因為鱷魚先生合咀時又真係幾得人驚)。

 

不過,當時小小豬一直都唔肯玩,無論我地點氹點教同鼓勵,小小豬始終都唔肯。為咗唔想嚇親小小豬,所以我地都暫停咗呢個計劃,等適當時間再拎出嚟訓練再玩過。

 

說時遲,那時快,估唔到隔咗一個月之後,鱷魚先生就重見天日喇!

 

事緣今期學校教嘅主題係「誰來幫助我們」,咁大肥豬就借機叫小小豬扮牙醫,叫佢幫鱷魚先生檢查牙齒。由於之前小小豬一見到鱷魚先生就會即刻say no,所以開頭估小小豬會唔肯玩。

 

唔知係唔係小小豬知道自己係牙醫,所以完全唔驚,仲非常落力咁同鱷魚先生檢查牙齒呀!

 

先嚟同鱷魚先生情深對望吓先。

resourcesmain

開始擦牙啦!

resources (2)

之後按吓鱷魚先生牙仔,睇吓邊隻唔舒服先。

resources (4)

哈哈,搵到啦!等我餵鱷魚先生食藥。

resources (7) resources (6) resources (5)

今日小小豬真係令我地好驚喜,完全唔再驚鱷魚先生,仲肯按啲牙仔,就算鱷魚先生合埋咀巴佢都唔驚,仲成日講話佢係醫生,真係好搞笑呀!

 

不過,今次小小豬有呢個表現,真係要俾個叻叻大肥豬爸爸,可以引用學校教緊嘅話題,引小小豬去玩呢個小遊戲,等佢可以克服鱷魚先生。

 

大肥豬成日都會諗好多唔同方法引導小小豬,所以大肥豬真係一個好爸爸嚟呀!

 

KinseyMaMa
發掘新點子,製造優質親子時間。