【育嬰室指南】元朗廣場育嬰室

Posted on July 12, 2014 By       3,536

20140711B

星期五中午到元朗廣場食午餐,之後我帶昕昕去旁邊的育嬰室換片兼飲奶,原來之前商場翻新洗手間時並新增設了育嬰室,實在太好了,因為翻新前沒有哺乳室,而且換片位在女廁,搞到有啲爸爸想幫手都唔得。

一入到育嬰室感覺好得意,特別係換片位的垃圾桶口,昕昕行到就忍不住走去摸。(如上圖)

 

20140711C

哺乳室感覺不錯,不過只得一間,如果人多就可能要等。

 

20140711D

而家好多商場都提供尿片服務,原來元朗廣場提供的是p牌棉柔尿片。

 

20140711E

育嬰室除了有兩張梳化長椅外,也有小朋友洗手盤,不過昕昕用唔到,因為她的手不夠長。

 

元朗廣場係我住元朗時第一個睇住佢開的商場,以前昕昕媽媽細個時住朗屏邨,次次由元朗出荃灣要一小時左右,最開心係昕昕婆婆一個人願意湊住四個小朋友出街。

反觀新一代的媽媽真係感覺相差很遠,身邊好多媽媽湊一個都要老公陪才願意出街,有朋友去旅行都要帶工人姐姐,主要原因係大家成長過程太倚賴父母照顧,不懂獨立,其實我有時都五十步笑百步,因為我覺得自己真的不夠昕昕婆婆那麼能幹,她既能照顧四個小朋友之餘,又能做妥家務,依家我因為照顧昕昕,還要返兼職,家務好多都未能做好,好在昕昕爸爸肯間中幫手。