楊冪劉愷威帶小糯米出院了!

Posted on June 6, 2014 By       3,145

3

 

昨日上午,剛剛榮升爸爸媽媽的劉愷威、楊冪,終於帶著他們的愛情結晶品見大家了。一手提著BB籃的劉愷威,小心翼翼的護著小糯米,另一手亦牽著老婆出院,畫面幸福滿溢!

 

同行更有老爺劉丹夫婦,以及劉愷威妹妹,全家人都開心地跟籃裡面的小糯米合照。至於寶寶的樣子就未能睇清楚,只可隱約見到她戴住頂白色帽仔,以側身甜睡的姿勢見大家,非常可愛!

 

相片中所見,產後短短數天的楊冪,穿上連身裙後身型依舊纖瘦。而且同老公全家齊齊戴上黑超,全家look好夾好襯!

 

1

 

當記者影完大合照之後,劉丹太太、楊冪先上車,而劉愷威就緊張地護住小糯米上車,又遮住BB樣。由於劉愷威要留低做訪問未能上車,但過程中不斷望向車上,更笑言:「我離開幾步已掛住BB喇!」

 

劉愷威表示第一眼見到BB好開心,仲話自己有喊,但已經唔記得幾時喊。他話;「心情難以形容,依家慢慢習慣做爹哋。」當問到B女似哪一個?他就話:「B女齊集爹哋媽咪爺爺嫲嫲特癥。」

 

他稱從今起會學當好爸爸,更會返去學換片餵奶。另外又透露仲未為BB改中英文名,打算叫爸爸劉丹替孫兒改名。

 

2

 

資料來源:新浪微博